حياتك سكر...عيش الدور

من طرف **fares_al_sonaa20** الأربعاء مارس 28, 2012 1:29 pm

بسم الله
مع بعض ف سلسلة (حياتك سكر) و الموضوع الأول اللى بجد على قدر كبير من الاهميه.
انهارده عنوان مقالنا (( عيش الدور ))
لانو فعلا فى ادوار اجتماعيه بنعيشها و فعلا بتأثر علينا....يعنى مثلا المذيع بتاع النشره اللى بيتكلم بكل صرامه ..اكيد مش بيتكلم مع مراتو بالاسلوب ده.....يعنى مثلا الممثل الكوميدى _مثلا_ مش ضرورى انو يكون فعلا عايش حياتو كده يعنى (اسماعيل يس) المقربين ليه بيقولو انو صارم شديد الصرامه بس لما بيمثل بيقى كومديان محصلش.....مثلا (فريد شوقى) بتاع الاكشن و الشجاع الرهيب..كان معروف عنو انو بيخاف يقعد ف الضلمه لوحدو.......كده يعنى.....بس زى ما هوا معروف
الممثلين او بعضهم بيتابعوا دكتور نفسي بعد كل فيلم يمثلوه لان الشخصية الي بيقوموا ببطولتها بتبقى دايما ليها تأثير عليهم حتى بعد انتهاء العمل .
**وده الي اتكلم عنه فيليب زيمباردو ، ف تجربة اولى من نوعها سماها بتجربة السجن .. وملخصها ان الانسان طباعه كلها بتختلف لو بدأ ياخد دور جديد يمثله حتى لو جزء من تجربة ، وده من خلال تجربة عملها على مجموعة من الاشخاص ، قسمهم لمجموعتين وكان هو رئيسهم ، مجموعة منهم استناهم وهما نازلين من بيوتهم ميعرفوش حاجة عن الي هيحصلهم وخدهم ف عربيات مصفحة وربط راسهم بعصابة علشان ميشوفوش حاجة وحلقلهم شعرهم ورماهم ف السجن و المجموعة التانية خدوا دور حراس السجن وبدأ الحراس يتحرشوا بالمسجونين ويتحكموا فيهم ومثلوا بالظبط دور الحراس لدرجة انهم بدأوا يتطرفوا ف التعامل وبدأوا يعذبوهم باساليب جديدة ويضايقوهم والمسجونين بدأوا فعلا يخضعوا للحراس ويسمعوا كلامهم ف كل حاجة .
العجيب اكتر ف الموضوع ان زيمباردو نفسه (كان واخد دور رئيس السجن) وكان بيتصرف باسلوب عنيف جدا مع المسجونين (الي هما مش مسجونين واشخاص عاديين كانوا جزء من التجربة) ، والموضوع كان المفروض ياخد اسبوعين بس زمايل زيمباردو اتدخلوا وانهوا التجربة قبل ماتحصل مصيبة جديدة
***علشان كده ايا كان الدور اللى بتعيشو فكن متيقنا انو فعلا هيتطبق عليك و فعلا هتعيش تفاصيلو.....لو فاكر نفسك شخص تافه و ان العالم مش هينقص بموتك حاجه يبقى فعلا هتلاقى نفسك بتتصرف كالتافهين ...اما لو فكرت انك فعلا عظيم جدا و ان العالم كلو محتاجلك هتلاقىى نفسك فعلا بتعلم حجات عظيمه.
**فى ادوار كتير فى الحياه ((الطالب المتفوق)) او (الزوج المخلص) او (المخترع) او ايان كان بس فى الغالب هتلاقى الناس بتنقسم الى قسمين .....
1/ مفعول به : و دا الشخص بتاع الظروف او ممكن نسميه ((بتاع الشماعات)) كل حاجه هوا مظلوم فيها و ان الظروف هيا السبب ....و الناس دور كتار جدا ...يعنى مثلا
الاب : يا ابنى انتا ليه مش بتذاكر؟
الابن : الاستاذ مش بيعرف يشرح / المدرسه مش كويسه / المواد صعبه / نظام التعليم سىء
*******
الشاب لصديقه : انتا ليه بتعاكس بنات؟
الاجابه : هما البنات اصلا مش محترمين / هيا البنت عاوزه تتعاكس / كل الشباب بتعاكس
*******
الداعيه لأحد الشباب : انتا ليه مش بتصلى ؟
الشاب : والدى مربنيش على الصلاه / اصحابى مفيش حد فيهم بيصلى / مديرى فى العمل مش بيخلنى اصلى
******
الداعيه للحرامى : انتا بتسرق ليه ؟
الحرامى : الدنيا بقيت صعبه / الاسعار مولعه نار /يعنى هوا حد قالى اشتغل بالحلال و انا رفضت
******
الداعية للمرتشى : انتا بترتشى ليه ؟
المرتشى : ما هى الدنيا كلها كده / الناس عودتنا على كده / كل زمايلى بيعملو زيى / محدش قالى مترتشيش
*************** الخ الخ الخ
الجماعه دول هما بتوع الظروف او ضحايا الظروف ((و هيفضلو ضحايا ديما)) لحد ما يموتو .
2/ فاعل : و دول الناس اللى فعلا شايفين انهم مسؤلين عن حياتهم مسؤلين عن تصرفاتهم
مسؤلين عن نجاحهم....لازم ينجحو.... لاز يتخطوا العقبات و العثرات.
**ببساطه شديده :خلى بالك ان الدور اللى بتعيشو بيأثر عليك ((هيا دى الفكره اللى عاوز اقولها))
***مش مجرد كلام : و هيا دى الكلمه اللى هتلاقيها بتتكرر معانا ف اخر كل مجال من حياتك سكر....و بنقصد بيها ...اننا نشير الى الفعل او ((الواجب)) اللى لازم نعملو علشان تبقى حياتنا سكر
....و الواجب بتاع انهارده ....
أولا : شوف انتا عايش انهى دور.......فاعل؟ مفعول به؟.....شوف ده فى كل حياتك...من الناحيه العمليه و المهنيه و العائليه و من ناحية العلاقات بالاصدقاء......انتا عايش انهى دور؟
ثانيا : حط لنفسك دور ايجابى علشان تعيشو.....الا و هو دور الفاعل .....تحمل مسؤلية حياتك....من كل النواحى ....من الناحيه المهنيه و العائليه و و و الخ
***و بكده اقولك حياتك هتبقى سكر فى سكر و سعاده فى سعاده.............اللهم امين.

حياتك سكر
فارس السنه
غفر الله له

السلام عليكم ورحمه الله وبركاته

صحيح وخاصه من يقول انه غير سعيد او غير ناجح ... طب انت عملت ايه عشان تكون ناجح او سعيد او لك دور مؤثر (( بس نقول ايه فى الاكتئاب اوقات الواحد بيحس ان الدنيا ضاقت عليه بما رحبت ))

من اقوال دكتور ابراهيم رحمه الله
حياتك ليست سوى انعكاس لافكارك

الحكمه ان تعرف ما الذى تفعله والمهاره ان تعرف كيف تفعله والنجاح هو ان تفعله

حياتك سكر...عيش الدور

حياتك سكر...عيش الدور

رد: حياتك سكر...عيش الدور