حياتك سكر ... مقدمه زى السكر1

من طرف **fares_al_sonaa20** الجمعة مارس 23, 2012 8:13 pm

الموضوع محصلش مره واحده ...محصلش فجأه....الأسطوره بدات بدايه عاديه جدا.....فى العصر الحجرى بيعيش ((الهونجا بونجار _الناس_))

حياه عاديه جدا ....تلاقى ((الموجا _الست يعنى_)) بتصرخ و بتتوجع من الألم و بطنها مترين قدام و صوت صراخها يهز حيطان الكهف هز

يروح ((الهونجا بونجار_الناس يعنى_))ينادو على ((الدادوجو_الدايه اللى بتولد الموجات اللى هما الستات)) و صاحبنا ((دوجا _الراجل يعنى))

واقف بره الكهف و شغال يقول (( هملانجاجو نوجاجو _يعنى يارب ولد))
و بعد عناء و تعب غير عادى يسكت الصراخ و يهدأ الجو و يعم السكون
يا ترى ايه السبب ؟ السبب هوا ان ((الموجا _االست)) طلع من بطنها

((النوجاجو _الولد يعنى_)) و يفرح ((الهونجا بونجار _الناس_)) بمجىء ((النوجاجو)) والكهف يتحط عليه زهور و ورود .....و يتربى النوجاجو

بطريقه عاديه خالص ...لما يجوع يروح اقرب ((كنتاكى_غابه يعنى_))

و يصيد أسد او فهد او نمر او اى حاجه تيجى قصادو ....و يجيب خجرين يضربهم ف بعض يطلعو نار يحط الحيوان دا على النار و بعد شويه

ياكل ((بالهنا و الشفا)) و لما و كبر النوجاجو شاف ((جوجايه محصلتش
بنت اموره يعنى))

و طبعا زى عادات العصر الحجرى خطفها على حمار بنفسجى و عاشو اجمل قصة حب حصلت ف العصر الحجرى كلو

و خلفو (نوجاجات )حلوين و بقى ((باجو _أب يعنى)) و بعد كام ألف سنه بقى ((جاجو_جد يعنى_)) و بعدين حصلت حاجه غريبه جدا .....جمع ((جاجو))كل ((النوجاجات)) اللى خلفهم و قالهم (( انا جاجى _جدى يعنى_))قالى على حاجه غريبه و هيا انو فى رساله موجوده فى أحد الكهوف الرساله دى اللى هيلقيها هيعرف قانون غريب من قوانين حياتنا على الأرض ......االلى هيعرف القانون ده ممكن يبقى ملك ((الكوجاجو يعنى الكره الارضيه)) و على فكره الكره الارضيه كانت بالنسبالهم القريه اللى كانو عايشين فيها ....المهم .....بعد ما قال الكلام ده ....عينو بحلقت ف السما و مبقاش يطلع نفس و بقى عامل زى الجثه الهامده راح ((ساجو
ابنو الكبير)) صرخ بأعلى صوتو ((لالالالالا متموتش يا باجى))

راح قالو مين قالك انى موت (دا انتا قفلتلى المود بجد))

و بعدين قالو بصوت يملؤه الحنان و الحزن ف ان واحد ((ساجو لازم تدور على الرساله ....لازم تدور عل الرساله))
و فعلا مات ......و ساجو بقى كل اللى يشغل فكرو انو يلاقى الرساله
و صمم انو يعرف القانون ده ....و ودع اخواتو الصغيرين و امو ))

و راح يسير هائما لا يعرف شيئا عن اى شىء و لكن امامه هدف واحد
الذى هو ((الرساله )) و كلام والده بيرن ف ودنو(( ساجو لازم تدور على الرساله)) .....عشر سنوات قضاها ساجو ماشيا ....لم يمل و لم يكل ولم يتعب.....باحثا عن هذا القانون الذى من شانه ان يجعلنى ملك الكرة الأرضيه .....باحثا عن ذلك السر الذى لا يعرفه أحد.......

و فى منتصف الليل و فى ليلة شديدة البروده وجد ((ساجو)) كهفا ليس كبقية الكهوف ....و ظن انه هو الكهف الذى يبحث عنه منذ عشر سنين
تسارعت نبضات قلبه و اخذت عيناه ترمشان بسرعه خياليه
و هو يقول فى نفسه ((هل ساجد الرسالة الان ؟ الان ))

و جمع شتات نفسه و وجد انه يسير بخطوات لا إراديه نحو هذا اكهف
و اخذ حجران و ضربهما فى بعضها و اخرجا شعلة من النار اضاء بها الكهف
و حينما دخل هذا الكهف وجد ان به طرقا كثيره ....اى طريق يسلك ام اى طريق يختار......و استمرت الحركات اللااراديه و كأنه يعرف الطريق

سااااااااعه كامله ....و الطريق ما زال مستمرا ............و فجأه
وجد نفسه داخل غرفة ....لم يجد بها اى شىء يستحق الاهتمام
الا مقعدا كبيرا للغايه ....و عليه كيس ممزق قديييييييييييييم
لم يجد بدا من ان يفتح هذا الكيس ....و فعلا بدأ يفتح الكيس بكل رفق

و كلما انحلت عقدة من عقد هذا الكيس تنهد تنهيده ... و فتح الكيس و لكنه لم يجد ما يتوقعه لم يجد شعاع النور الذى سيغطى المكان او شيئا من هذ القبيل .....انه وجد شيئا غريبا جدا لم يكن يعهده انه ما يسمى بالورقه
و اندهش للغايه من هذا الاختراع العجيب .....لانه يعلم ان الكتابه تكون على الاحجار وتكون بالشاكوش و الازميل ...و تكلف كاتبها اياما و ايام.........لم يجد بدا من ان يفتح الورقه ....و وجد فيها كلاما ما كان يخطر له على بال .......اخذ يقراه بصوت عال :

مهما كنت او كنتى ....كبير او كبيره .....صغير او صغيره ....
فانت اول من يطلع على هذا السر.....أنت _يا محظوظ_ اول من يتعرف على هذا القانون العجيب......أنت _يا لحظك الرائع_

فانت اول من سيتعرف _و بحق_ مع معرفتك للسر سينتهى عصرك
_أيا كان عصرك_ و سيبدأ عصر جديد ....عصر تكون فيه انت ((أنت))

يااااااااا لحظك الحسن.....ان القانون الذى سيسعدحياتك و سيغير عصرك.....قد قلته لك فى كلمة((سيسعد)) انه قانون (( السعاده))

فأنت او أنتى اول من سيسعدحياته _و بحق_ .....ف خلال مجموعة مقالات ((حياتك سكر))
هنتعرف على قوانين السعاده الحقيقيه ......و خلينا نروح مع بعض للجزء التانى من المقدمه
يلا انتا مستنى ليه......اها نسيت اقفل الموضوع .....جزاكم الله خيرا و بارك الله فيكم..
الحق ارسم ابتسامه جميله على وشك و يلا مع بعض للجزء التانى من المقدمه.

توقيع :

حياتك سكر
فارس السنه
غفر الله له

السلام عليكم ورحمه الله وبركاته

كالعادة ردى هيكون اقل مما يستحق المقال
جزاكم الله خير الجزاء ونفع بكم واسعدنا واياكم بالدارين

حياتك سكر ... مقدمه زى السكر1

حياتك سكر ... مقدمه زى السكر1

رد: حياتك سكر ... مقدمه زى السكر1