حياتك سكر...صندوق الحظ 1

يا رب حياتكم تكون سكر ديما....و اللى مش محظوظ يبقى محظوظ ....استنى استنى....محظوظ؟؟؟
هوا اصلا فى حاجه اسمها حظ؟ انتا من اللى بيؤمنو بالحظ؟ فعلا؟ طيب هستفاد بايه من الحظ ده ؟
و ازاى ابقى محظوظ ؟ ...هوا دا موضوع مقالانا اليوم.......انتا بتقرى مقال عن السعاده ...فابتسم و صلى على النبى _عليه الصلاة و السلام_ و يلا بينا نقرى المقال ده.......سكر؟ قول سكر فى سرك.
***فى ناس كتيره جدا جدا مؤمنه بالحظ و تؤكد ان له وجود و تأثير ...و دا طبعا من وجهة نظرهم (قدر الله تبارك و تعالى قبل كل شىء) يعنى مثلا : 1/ ذاكرت اغلب المنهج...بس للأسف جه الامتحان فى الفصل الاخير اللى مذكرتوش...ايه رأيك؟ طيب لو العكس؟
2/ ايه رأيك لو عرفت موعد التقدم الى الوظيفه بعد انتهاء باب التقديم؟ طيب لو العكس؟
3/ طيب لو التفاحه مكنتش وقعت على نيوتن ؟ طيب لو العكس؟
انا طبعا مش بتكلم عن الحظ بمعنى ((الياناصيب و كده ...دا مجرد كلام فارغ)).....بس انا بتكلم عن الحظ (القدر الحسن) الذى يواجهنا فى الحياة....اتعرفت على حد غير حياتك.....اتقدم لوظيفه قبل انتهاء باب التقديم بثوانى...مذكرتش كتير بس الامتحان جالك فى الفصل اللى انتا ذاكرتو بس.
***مفاهيم خاطئه عن الحظ :
1/ فى ناس فاكره ان الحظ مخالف لقضاء الله و قدرو....و دى اكتر حاجه بتخلينى استغرب.....لانو محدش من الناس اللى بتتكلم عن الحظ قال كده خالص.......لان الحظ هو من قضاء الله و قدره بلا شك.
2/ فى ناس بقى مؤمنه بالحظ لدرجة انو علشان فاكر انو محظوظ يقعد فى البيت و يقول انا محظوظ هيجيلى الشغل لحد عندى و الفلوس لحد عندى ((ابقى قابلنى)).
3/ ناس مؤمنه بالحظ بس فاكره انو بيجى صدفه ......لانهم مش عارفين ان الحظ له قوانين معينه هنعرفها مع بعض.
***أقوال سريعه عن الحظ :
1/مثل سويدي: الحظ لا يعطي أبداً، بل يعير فقط.
2/لاري كينغ: جميع من نجحوا في أي شيء ولا يذكرون الحظ يمازحون أنفسهم.
3/ جيفيرسون: أنا مؤمن جداً بالحظ وكلما عملت بجد أكبر كلما حصلت على المزيد من الحظ.
4/ للحظ عادة مميزة فهو يفضل أولئك الذين لا يعتمدون عليه .
5/الحظوظ الكبيرة: هائلة مريعة, وقليل من الناس يستطيعون حملها.
6/جنبا الى جنب يسير الحظ والعمل .
**طيب أبقى محظوظ ازاى؟ .... عايز تبقى محظوظ ؟ فعلا؟ متأكد؟ خلاص خلاص ...صدقت انك عاوز تبقى محظوظ ........تابع معانا المقال الجاى من ((حياتك سكر...صندوق الحظ2))
**جزاكم الله خيرا و بارك الله فيكم.......و لحد هنا و نقول ((حياتك سكر)) .