حرب المبادىء...كلاكيت تانى مره (الميت مماتش)

قصه ف دقيقه
قصة الاستاذ عادى......ف يوم من الايام كان فى راجل قاعد مع اصدقائو لحد ما دخل عليه واحد
قالو ابشر ابشر.......اتولد ليك ابن.....فالراجل قالو انا افتكرت هتقولى البورصه ارتفعت.....و راح لابنو و فرح بمولده فرحه عاديه....و بعد سبع تيام من مولده عملوه غقيقه عاديه.....و وداه مدرسه عاديه و اتعلم تعيلم عادى و بقى شاب عادى و اتوظف وظيفه عاديه....و اتجوز جوازه عاديه و خلف اطفال عاديين
و عاش حياه عاديه.....و مات موته عاديه.....و اول ما الناس سمعت خبر موتو قالو (عادى)
و دفنوه و كتبو على فبرو (( هنا مدفن الاستاذ عادى ....و اياك ان تكن عاديا))***تعرف حد شبه الاستاذ عادى؟؟....عاش و مات و معملش حاجه مهمه فى الحياه
طيب هل انتا شبه الاستاذ عادى؟؟ عايش و بتاكل و بتشرب و معملتش حاجه مهمه ف حياتك
طيب هل عايز تستمر زى الاستاذ عادى؟؟؟
***عباس محمود العقاد لوه كلمه جميله جدا بيقول....(ان بعض الناس يدخلون الى الحياة من باب الحياة....يدخلون فى سرداب طول حياتهم ....ثم يخرجون من باب الموت)فى ناس كتير جدا بتموت و معملتش حاجه فى حياتها.
انتا زيهم؟ تعرف حد زيهم؟ عايز تبقى زيهم؟
***بس خلينى اقولك ايه سر الجمله اللى فوق دى .....اللى هيا (( الميت مماتش))
لان ليها قصه
القصه بتقول
انو فى واد اسمو ((شن)) دا احد حكماء العرب الكبار
لقى راجل ماشى فى الطريق فقاتفقوا انهم يمشو مع بعض و كان كل واحد فيهم راكب على دابه
بعد فتره من الطريق .....((شن)) حس بالملل فقال للراجل اللى معاه ((أتحملنى ام احملك؟؟))
فالراجل استغرب و قال ازاى تحملنى و انا راكب و انتا راكب
و بعد فتره مشيو جمب جنازه
فراح (شن) سأل اللى معاه ....((أترى صاحب الجنازه حى ام ميت؟))
فراح الراجل استغرب جدا جدا و قال (ما رأيت مجنونا مثلك......تشوف جنازتو و تقول حى ام ميت!!!))
و بعدها بشويه (شن) لقى زرع فسأل اللى جمبو ......(يا ترى أصحاب الزرع اكلوه ام لم يأكلوه؟..؟))
فراح الراجل استغرب جدا جدا و قال انتا مجنون فعلا....شايف الزرع قدامك و تقولى اكلوه و لا لاء؟!!!!!
فسكت (شن) طيلة الطريق
لحد ما وصلو قرية الرجل ....فعزم شن انو ياكل معاه و يقعد معاه شويه
راح الراجل اول ما دخل ......راح المطبخ لقى بنتو اللى اسمها ((طبقه))
قالها حضرى الاكل فى ضيف معايا بس هوا مجنون شويه فخلى بالك منو
قالتلو ازاى تجيب واحد مجنون بيتنا........قالها هوا مجنون فى بعض الحالات بس فى العموم هادىء
قالتلو ازاى........فحكالها القصه كلها.......فابتسمت و قالتلو و الله يا ابى ما رأيت مجنونا مثلك و عاقلا مثله
فقالها كيف؟
قالتلو ....لما سألك أتحملنى ام احملك.......الحمل هنا بمعنى القضاء على الملل.....بمعنى تحدثنى انت ام انا احدثك
و بقالتلو اما صاحب الجنازه ((فان صاحب الجنازه لا يموت اذا ترك أثرا))
اما الزرع فيمكن لاصحابه ان يكونو قد باعوه و اخذو ثمنه و اكلو به....و هذا نوع من البيع معروف
***و حط مليون سطر تحت((صاحب الجنازه لا يموت اذا ترك اثرا))***دلوقتى قدامك اتنين........
الاستاذ عادى
و صاحب البصمه
هتختار مين يا ترى؟
**لو اخترت تبقى الاستاذ عادى يبقى انتا حر فى اختيارك بس خلينى اقولك انو يكفيك اللى قريتو و متكملش قريه
***انتا دلوقتى بتكمل قرايه يبقى انا هفترض انك هتكمل معايا و انك اخترت تبقى ((صاحب البصمه))
بس خلى بالك ان صاحب البصمه لازم يعيش على الاقل 500سنه
ايوه....500سنه
يعنى تعمل حاجه مؤثره يفضل تأثيرها لحد 500سنه على الاقل
***و علشان كده خلينى اقولك سر المقال ده
سر المقال ده بالذات انو بيبتدى بعد نهايتو
بمعنى ......قررت ايه؟
انتا قررت انك تبقى صاحب بصمه .......هايل و خلينى اقولك الف مبروك على القرار ده
بس ف ايه؟
قرر و اختار و خطط
و الله هتعيش بجد و هتموت مرفوع الراس و بكل سعاده
***ببساطه شديده :
1/اياك ان تكون ((الاستاذ عادى))
2/صاحب الجنازة لا يموت اذا ترك أثرا
3/ انت قررت ان تكون صاحب بصمه
4/ لتتخذ قراراتك من الان
5/ كل حبى و تقديرى و معزتى و احترامى و شكرى لقرايتك لمقالى المتواضع


فارس السنه