حرب المبادىء ...كلاكيت اول مره

من دون مقدمات ادوشك بيها او اعطلك خلينى ادخل فى الموضوع على طول
و علشان كده خلينى أسالك كام سؤال
هل اختلفت مع حد قبل كده؟
هل لما اختلفت معاه.....فضلت مصر على رأيك.....و لا تنازلت؟
طيب هل لما اختلفت معاه و حاول يقنعك
وقفت و قولتلو ((اسف دى مسألة مبدأ))؟؟؟
عمرك قولت الجمل هدى ((متحاولش دى مسألة مبدأ))؟
طيب عمرك سمعتها من حد؟
***المبادىء هى القوانين اللى بتغيرينا و بتحركنا و بتحفزنا .....الخ
كل واحد فينا عايش بأكتر من مبدأ واخدهم فى الحياه
سؤالى ليك/ ليكى
تقدر تقولى خمسين مبدأ من مبادئك فى الحياه
اها معاك حق
خمسين كتير قوى
طيب تلاتين
طيب عشرين
خلاص خلاص
عشره بس.....اظن كدا تمام
مستنيك تقولى عشر مبادىء ليك فى الحياه.......اتفقنا؟
هايل جدا.........هل تقدر توقف قرايتك و تشوف مبادئك و بعدين تكمل؟........ممتاز يلا
خلينى أقولك لما سألت السؤال ده لأكتر من حد
اغلب الناس اللى سألتهم مكلوش خمسه.....تخيل؟
و يا ريتهم خمسه صح
يعنى حد يقولى .....من ضمن المبادىء اللى عايش بيها ....مبدأ المساواه....مبدأ العدل....مبدأ الصدق
مع ا ندى كلها مش مبادىء
دى ((قيم )) مش مبادىء
علشان كده .....احنا بنعانى من مشكله خطيره جدا و هيا اننا مش عارفين مبادئنا فى الحياه
**المبدأ....مقوله او حكمه مختصره تطبقها فى حياتك
**المبدأ ..... جمله أو شعار تترتب عليه قرارات
الخطوره فى موضوع المبادىء ده ان
المبادىء بتتبرمج فى العقل غى حالة لا واعية
او حالة العشية الذهنيه ((الترانس))
اللى هيا الحاله اللى بيكون فيها الشخص مسترخى ذهنيا
زى فى الافلام.....لما حد بيشوف فيلم بيكون منتبه و مركز و مسترخى ذهنيا
خلونا ندى مثال
**افتكر انو فى فيلم مصرى مش فاكر اسمو
الفيلم ده فيه بطلين (بطل رئيسى و بطل محورى))
البطل الرئيسى بروفوسير فى الجامعه
البطل المحورى ....زبال....بتاع زباله
البرفوسير فى الجامعه بقالو خمسه و عشرين سنه بيدرس و خاطب و مش عارف بيتجوز
اما الزبال ف شغال بيبنى عمارات و بيبيع شقق
و السيناريو بيدور و ف لحظه من اللحظات ((يتزرع مبدأ))
البطلين موجودين فى عربيه و اتخانقو
ف البروفسير قال انا بقالى خمسه و عشرين سنه ببنى عقول
فراح الزبال رد عليه و قالو ....لو كنت بتربى عجول كان زمانك معاك فيله و عمارات
((و انتهى المشهد و اتزرع المبدأ))
مبدأ ان التعليم مش مهم اطلاقا.....و ان البحث عن لقمة العيش و و المال هوا الاهم
المشهد ده زرع مبدأ ....تخيل؟
و بعد كده نستغرب لما نلاقى اخواتنا الصغيرين او احنا مش بنحب الدراسه و معندناش تحفيز للدراسه
ايه الفكره..........الفكره انو فيه مبادىء بتتزرع......احنا مش بناد بالنا منها
***مثال تانى
فى المغرب.....و لو فيه حد من المغرب ممكن ياكد كلامى.....
فى المغرب ممثل كوميدى مشهور
مجهز أغنيه باللهجه المغربيه
بيقول فيها
(( ندمت انى قرأت...افضل لى لو بقيت حمار.....و لو كنت جاهل لأصبحت فى البرلمان))
و الناس تضحك على الاغنيه و عادى جدا و ((يتزرع المبدأ))
**مثال تالت
فى المناهج الكويتيه القديمه
كان فى درس او حكمه فى اخر الكتاب
بتقول ((مع حمد قلم))
((مع حمد قلم)) ده مبدأ .....يبقى ايه القرار المترتب عليه
انى اذاكر و اقرى و اروح المكتبه........الخ
دلوقتى مكتوب (( عبير تأكل))
((عبير تأكل )) ده مبدأ ......يبقى ايه القرارات المترتبه عليه
انى اروح المطبخ و اكل و اشبع ......الخ
***قوة و خطورة المبادىء .....انك من خلالها ممكن تقلب الانسان الى حيوان
اسف جدا فى التعبير ده بس ده التعبير اللى المفروض نعرفو
هحيلك قصه حصلت معايا انا شخصيا و شوف يعنى ايه المبادىء يمكنها تغيير الانسان الى حيوان
**من كام يوم كنت مع واحد صاحبى و كنا بنتكلم عن احوال البلد (مصر)
و اللى بيحصل فيها
لحد ما اختلفت معاه فى مسألة انو المفروض ان الاعتصامات و الاضرابات تنتظر
و تستنى على البلد شويه
خلينا نخلى المرحلة دى مرحلة العطاء المتكامل للبلد......الخ
راح جاوب عليا و قالى
(( زمان كان فى مثل بيقول ......لو بيت ابوك بيتهد الحق خد منو طوبه....
دلوقتى بيتقال
روح هد بيت ابوك و خد منو طوبه
((انتهت القصه))
شوفتو المبادىء خطورتها ازاى
المثل اللى قالو صاحبى
هوا مبدأ يعبر كل التعبير عن
((التخاذل .....و الهروب....و النداله......الخ))
هوا سمع المثل ده و تحول عند والى مبدأ
***مبادىء كتير جدا بتحاوطنا فى الحياه
منها مبادىء صح
مبادىء غلط
مبادىء محتمله
***خلينى ببساطه اقولك
انو لما اعدائنا فهمو خطورة المبادىء
حاربونا بيها
من خلال (( الاعلام.....المسلسلات.....الافلام.....الاغانى.....افلام الكرتون........))
أيها السادة (( انها حرب المبادىء))
و من خلال كل الوسائل دى اتزرعت جوانا مبادىء (حيوانينه)
ان دخلت بلد بيعبد العجل حش واديله((مبدأ الميوعه و التخلى عن المبادىء))
ان كان ليك حاجة عند الكلب قولة يا سيدى(مبدأ النفاق))
امشى جمب الحيط((مبدأ الضعف))
اللى معاه قرش يسوى قرش ((مبدأ وزن الناس بالاموال ))
الحيطان ليها ودان (( مبدأ الضعف و السكون و السكون))
لو بيت ابوك بيتهد هد و خدلك طوبه
الخ الخ الخ
***اذا اردت ان تعرف قيمة مجتمع معين فانظر الى القيم الغالبه عنده
***ببساطه شديده جدا
1/ المبادىء خطيره للغايه....لانها تبرمج افعالنا
2/ اغلب المبادىء تزرع فى حالة الغشيه الذهنيه
3/ الافلام و المسلسلات و الاغانى مليئه بالمبادىء الفاسده (فانتبه)
4/ مجتماعتنا ابتليت بالكثير من المبادىء الفاسده (فانتبه)
5/ تعرف على مبادئك و انظر الى سقيمها من صحيحها
6/ نق مادئك فورا
7/ انتظر المقال القادم لانى هتكلم فيه عن تكملة الموضوع ده
و هيكون بعنوان
الميت مماتش
موضوع فى غاية الاهميه
***اعتذر بشده على الاطاله
***شكر خاص جدا من القلب الى كل من قرا مقالى المتواضع
***انى احبكم فى الله
**فارس السنه
غفر الله له