إنت عمرك حسيت بمعنى الصحبة الصالحة ..؟؟

من طرف بنت الاسلام الأحد نوفمبر 20, 2011 4:11 pm

عايزة اسأل كل واحد فيكوا سؤال مهم اوي

إنت عمرك حسيت بمعنى الصحبة الصالحة ؟؟

عمرك عرفت يعني ايه صحبة صالحة ؟؟

عمرك حسيت بقيمة الصحبة الصالحة في حياتك ؟؟

لما صاحبك يرن عليك وقت صلاة الفجر ويجيلك تروحوا تصلوا سوا .. هي دي الصحبة الصالحة

لما صاحبك يشوف مسجد فيه حلقة تحفيظ للقرآن وميفكرش يروح يتقدم لتسجيل الا وانت معاه .. هي دي الصحبة الصالحة

لما صاحبك يقولك تعالى معايا انهاردة في درس حلو اوي في المسجد .. هي دي الصحبة الصالحة

لما صاحبك يتصل بيك يقولك افتح التلفزيون بسرعه الشيخ الي بتحبه شغال .. هي دي الصحبة الصالحة

لما صاحبك يشوفك عملت حاجة غلط او ذنب وييجي يقولك كلمتين ويفكرك بنعم ربنا عليك ويقولك اوعدني ماترجعش للذنب ده تاني .. هي دي الصحبة الصالحة

لما صاحبك يشوفك وانت ماشي معاه في الشارع عينك جت على بنت لابسة ضيق شوية ويقولك غض بصرك .. هي دي الصحبة الصالحة

لما تكون متضايق ومهموم ومش لاقي حد تكلمه وتروح تتصل بيه تكلمه في اي حاجة عشان تتطلع من المود الي انت فيه واو لاما يسمع صوتك يقولك انت مال صوتك ؟؟ انت متضايق ولا ايه ؟؟ احكيلي فضفضلي انا اخوك .. هي دي الصحبة الصالحة

لما تكون في الحصة في المدرسة او في محاضرة في الجامعة مش فاهم جزء في الشرح رغم انك مركز اوي وتقول لصاحبك بصوت واطي انا مش فاهم الجزئية دي في الدرس خالص ومكسوف اقول المستر اني مش فاهم الجزئية دي .. وتلاقيه بدون اما يرد عليك يقول : مستر بعد اذنك انا مش فاهم الجزئية دي معلش يا مستر عيدها ..
وانت تبصله ومش عارف تقوله ايه (( والله حصلت معايا اكتر من مرة )) ..
هي دي الصحبة الصالحة

لما صاحبك يفضل نفسه عليك في حاجات كتيييييييييييير ويبقى نفسه يعملك اي حاجة تفرحك .. هي دي الصحبة الصالحة

شفت احلى من كده صحبة بالله عليك ؟؟

ولا انتي شفتي اجمل من كده حب في الله ؟؟

الصحبة الصالحة هي الي تشجعك على القرب من ربنا وعلى المذاكرة وعلى فعل الخير وعلى كل حاجة حلوة وبيؤثر على نفسه عشان
يبقى بجد امسك في صاحبك ده بايدك واسنانك زي ما بيقولوا

لانه لو ضاع منك هتخسر كتييييييييير اوي .. لان للاسف الصحبة الصالحة قلت شوية في مجتمعنا

بس اووووعوا تقولوا ان الصحبة الصالحة مش موجودة خالص وانا دورت
ومش لاقي

عشان هتتكتب عليك كذبة لان الصحبة الصالحة موجودة في كل مكان بس انت مش بتدور كويس

في المدرسة في الجامعة في المسجد في مركز حفظ القران في جيرانك

في كل مكاااااااااااااان

ومش عشان كل الي شايفينهم دلوقتي اصدقاء سوء ي
بقى الصحبة الصالحة انقرضت

وانا متأكدة جدا ان الصحبة الصالحة حواليك
وانت الي مش واخد بالك منهم

واكيد لما تقرا الموضوع ده هتفتكر اشخاص معينين بيعملوا معاك الحاجات دي ساعتها تجري عليهم ومتسبهمش ابدا ابدا

وعلى فكرة في حاجة مهمة لازم تعرفها :: انك مش هتعرف قيمة اي نعمة من نعم ربنا عليك الا لما تفتقدها

ولو انت ضيعت الصحبة الصالحة منك هتعرف قيمتها ومهمتها في حياتك بس ساعتها للاسف مش هتقدر ترجعهم

فخلي بالك كويس من اصحابك الصالحين واختار كويس مين الي يصاحبك
[center]يـــــاربِ لا تحرمنّا صحبة الأخيــــار
منقول للامانة

السلام عليكم ورحمه الله وبركاته

ماشاء الله موضوع جميل جدا
جعلنا الله خير صحبه فى الله ولله
وجعلنا الرحمن ثابتين على مايحب ويرضا ياااارب

من طرف **المحبة لله** الخميس نوفمبر 24, 2011 1:59 pm

بارك الله فيك يا أخت
من لم يستعن بالصحبة الصالحة على الطاعات أنفرد به الشيطان وجذبه نحو رفاق السوء
والله سبحانه وتعالى يحثنا على مرافقة الصالحين بقوله (واصبر نفسك مع الذين يدعون ربهم بالغداة والعشي يريدون وجهه
ولاتعد عيناك عنهم تريد زينة الحياة الدنيا )
كما يحذر من أولئك الذين لا يذكرون الله في نفس الآية بقوله تعالى
و (ولا تطع من أغفلنا قلبه عن ذكرنا واتبع هواه وكان أمره فرطا)
فاصحب الذاكرين لله وتجنب صحبة الغافلين
اللهم وقفنا الى ما تحب وترضى وجنبنا ما لا تحب وترضى

إنت عمرك حسيت بمعنى الصحبة الصالحة ..؟؟ Wwwgoodwayinlifecom4

إنت عمرك حسيت بمعنى الصحبة الصالحة ..؟؟ Wwwgoodwayinlifecom4

إنت عمرك حسيت بمعنى الصحبة الصالحة ..؟؟

إنت عمرك حسيت بمعنى الصحبة الصالحة ..؟؟

رد: إنت عمرك حسيت بمعنى الصحبة الصالحة ..؟؟

رد: إنت عمرك حسيت بمعنى الصحبة الصالحة ..؟؟