أقبل نفسك أحسنلك

على فكره انا بحبك قوى و بعزك و بموت فيكى و مقدرش أعيش من غيرك
انا كنت بكلم نفسى على فكره
لانى فعلا بحب نفسى جدا و بعزها جدا و اكيد طبعا مقدرش اعيش من غيرها
**خلينى أسألك سؤال تعرف واحد صاحبك / واحده صاحبتك ....كل ما تتكلم معاه يفضل يتكلم قد ايه هوا حزين و انو فاشل و انو مكتئب و انو غبى و انو ولا حاجه و انو نفسو يموت ......الخ
تعرف حد بالشكل ده؟ ...تعرفى واحده بالشكل ده ؟ .... جواب نهائى ؟ .....انا عن نفسى اعرف واحد بالشكل ده
هوا واحد صاحبى ... قبل ما اقابلو لازم اكون واخد دوى مهدىء للاعصاب لانو فعلا بيضايقنى جدا ....بيضايقنى لما يتكلم عن نفسو .....يفضل بقى يحكيلى قد ايه هوا عايش ف بيئه وحشه و ا ناهلو ف البيت مش كويسين و انو كاره نفسو
و انو لو اللى هيدخل النار واحد بس اكيد هيبقى هوا و ان .......الخ
للأسف فيه ناس كتيره زى صاحبى ده ....مش هوا لوحدو اللى كدا
**مكشلة صاحبى و مشكلة الناس اللى زيو ....((القبول الذاتى )) مش متقبلين لأنفسم .... يعنى بيكره نفسو
هوا ده اللى ممكن نسميه (( عدو نفسه )) .... و بالفعل أغلب مشكلتنا ف المنطقه دى ((القبول الذاتى))
أغلب الامراض النفسيه أصلها و أساسها ((القبول الذاتى))
أغلب مشكلاتنا الاجتماعيه أصلها و أساسها ((القبول الذاتى))
**و القبول الذاتى طبعا لا يتناقض اطلاقا مع انك تعترف بذنوك و باخطائك و بمشاكلك بس فى كل الاحوال فانتاب تحب نفسك و علشان بتحب نفسك هتغيرها للأحسن ديما.
زى بالظبط لما احد المدربين حب يشرح الفكره دى فجاب مية دولار و قال مين عايز المية دولار دى
كل الناس رفعت اديها.....راح كرمش المية دولار و قال مين عاوز المية دولار؟ كل الناس رفعت اديها
راح قطع المية دولار نصين و قال مين عاوز المية دولار؟ بردو كل الناس رافعه اديها
راح مسك المية دولار و رماها فى الارض و داس عليها و بعدين مسكها و قال مين عاوز المية دولار؟ بردو كل الناس عاوزه المية دولار......راح المدرب قال هوا دا القبول الذاتى....انتا عارف ان المية دولار مقطوعه نصين بس ممكن تتلزق .....و انتا عارف ان جواك عيوب بس ممكن تتصلح.......سكر؟.....قول سكر.
** زى القصه اللى بتحكى انو فى احد الشباب تخرج من كلية الحقوق و و فتح مكتب محاماه بس محدش جالوا طلاقا....و بقى محامى فاشل....محدش معبرو لدرجة انو حتى التليفون بتاع المكتب اترفعت عنو الحراره و شالو منوا لخدمه لانو مش بيدفع فاتورة التلفون.....و ف يوم حصلت معجزه و جالو زبون.....الله اكبر.....راح قال للسكرتير دخلو بعد شويه
و فعلا اول ما دخل الزبون....صاحبنا المحامى عمل نفسو بيتكلم ف التليفون _اللى هوا اصلا مش شغال_ و بيقول
ايوا حضرتك احنا اتفقنا على القضية دى خلاص....زى ما طلعت من كل القضايا اللى فاتت هطلعك من دى كمان.....الخ
و بعدها بشويه خلصت المكالمه _الوهميه_ و بص للزبون و قالوا ايوا حضرتك ايه قضيتك....قالو و لا قضية و لا حاجه
دا انا مندوب الشركه اللى جاى يصلح التليفون. ((اقبل نفسك زى ما انتا لاحسن كل الناس تضحك عليك ف الاخر))
***تعرف بقى تتقبل نفسك ؟ ....اتكلمت مره عن تقبل الذات و كده.....راح واحد كلمنى بعدها بكام يوم بيقول انا فعلا بقيت بحب نفسى جدا لدرجة انى بقيت اقف قدام المرايه و اقول لنفسى ((بحبك)).
*مش ضرورى تعمل زى صاحبنا .....بس اهم حاجه انك تفتكر حجات كنت ناسيها عنك ...زى ما بيقولها الدكتور الفقى_ الله يرحمو _ديما
انت أفضل مخلق خلقه الله عز و جل....خلقك بيده الكريمه و لم يقل لك كن فيكون.....سخر لك السماء و الارض و ما بينهما....جعلك خليفته فى ارضه.....)) انتا فين من دا كلو .
*** بس حاول تلاحظ انك بتوجه الكلام ده لنفسك اللى جواك و بتقولها بكل صدق
على فكره انا بحبك قوى و بعزك و بموت فيكى و مقدرش أعيش من غيرك.
ممتاز جدا .....و سكر جدا جدا..
***خلى بالك من نفسك.............و السلام عليكم.

السلام عليكم ورحمة الله وبركاتة


جزاك الله خير ..... كفيت ووفيت اخي فاعجزتني عن التعليق ...

ومما نخاف منه ؟؟؟ هو وجود بعض الشخصيات الذي تزيد عندهم

الشعور بحب الذات الى درجة الجنون قد تصل الى الانانية .... متناسي

حديث رسول الله صلى الله عليه وسلم عن أنس بن مالك رضي الله عنه

عن النبي صلى الله عليه وسلم قال: (لا يؤمن أحدكم حتى يحب لأخيه ما

يحب لنفسه) متفق عليه .

وويزيده حب الامتلاك الى الصراع الدائم والخروج عن المعهود ويقودة الى

ارتكاب الكثير من الاخطاء ، والذبوب ....

مواضيع منقاه بدقة ومطروحة بصورة جيدة وببساطة ...