كن انت الشمعه !!!

من طرف **fares_al_sonaa20** السبت مارس 17, 2012 11:48 pm

بسم الله

عمرك وقعت ف مشكله و حد ساعدك؟
طيب عمرك ساعدت حد وقع ف مشكله؟
طيب خلينى احكيلك قصه اروع مما تتصور

***القصه بتبتدى مع الأبلة نعمت....الابله نعمت شابه ممتازه اتعينت جديد فى مدرسه حكوميه ابتدائيه
و زى ما كل ابله (ذكيه) بتعمل ....اتعرفت الابله نعمت على طلابها و تلاميذها اللى فى الفصل

و شافت ملف التلميذ اللى اسمو ( تامر ) و عرفت من خلالو انو طالب ذكى جدا جدا بس من اول ما ماتت والدتو اللى كان متعلق بيها جدا....تحول من طالب ذكى الى طالب غير ذكى و مهمل فى دروسه و واجباتو........و مرت الايام و نسيت الاستاذه نعمت موضوع تامر .....لحد ما جه يوم عيد الام و قدم الطلاب و التلاميذ هديه للابله نعمت....كل واحد قدم هديه جميله و ملفوفه فى ورق جميل ....ما عدا هدية (تامر) كانت عباره غن (أسورة نحاسيه قديمه....و زجاجة كولنيا مليانه لنصها بس) كل الطلاب ضحكو اول ما شافو هدية تامر....بس الابله نعمت لبست الاسوره و حطت من الكولنيا

راح تامر قرب منها و قالها الله يا ابله ريحتك حلوه زى ماما بالظبط و الاسورة بتاعت ماما حلوه عليكى قوى و قعد يعيط....راحت الابله نعمت طلبت من الفصل كلو يصفق لتامر.......و انتهى اليوم الدراسى

و رجعت ابله نعمت لبيتها و مجالهاش نوم لانها حابت تساعد تامر بكل ما تملك....ماليا و معنويا و نفسيا.....بكل حاجه......و فعلا ساعدتو و ادتو دروس تقويه و تامر تعلق بيها جدا .....و ف يوم كانت الابله نعمت قاعده فيه ف بيتها......رن جرس الباب و لما فتحت ملقتش حد بس لقيت رسالة مرميه

اول ما فتحتها عيطت جدا جدا و قعدت تقراها اكتر من مره........الرساله كان مكتوب فيها

(( أبلة نعمت مهما شكرتك فلن اوفيكى حقكى على....انقذتينى من الضياع حتى اصبحت من المتفوقين...جعلتينى اتخطى المى و احزانى على امى الحبيبه.....انا نجحت يا ابله.....يا ابلة نعمت ...انتى اعظم و اطيب و اجمل ابله عرفتها.......ابنك تامر))

كانت فرحة الابله نعمت غير عاديه بتفوق تامر...و منمتش من فرحتها......و عدت الايام ورا الايام
و الابله نعمت مهتمه جدا بتامر و بتفوقو لحد ما وصل للاعدادى و ف تالته اعدادى حصل على مجموع98 ف الميه و كان ترتيبه الاول على المدرسه....و المدرسه كرمتو ادتلو ميدالية التفوق

راح مسكها و كتب عليها (( بحبك)) و اداها للأبلة نعمت و قالها انتى تستحقيها اكتر منى
...و كعادت الابله نعمت تجلس على كرسيها الهزاز و هى تقرأ اذ رن جرس الباب فلما ذهبت لتفتح لم تجد احدا و وجدت رسالة ملقاة على الارض مكتوب فيها

(( أبلة نعمت مهما شكرتك فلن اوفيكى حقكى على....انقذتينى من الضياع حتى اصبحت من المتفوقين...جعلتينى اتخطى المى و احزانى على امى الحبيبه.....انا نجحت يا ابله.....يا ابلة نعمت ...انتى اعظم و اطيب و اجمل ابله عرفتها.......ابنك تامر))
.....و فرحت جدا ان تامر بعت نفس الرساله اللى بعتها لما نجح فى الابتدائيه..........و مرت الايام ورا الايام و الابله نعمت مهتمه جدا جدا جدا بتامر
لحد ما وصلتها رسالة من تامر مكتوب فيها ((أبلة نعمت مهما شكرتك فلن اوفيكى حقكى على....انقذتينى من الضياع حتى اصبحت من المتفوقين...جعلتينى اتخطى المى و احزانى على امى
الحبيبه.....انا نجحت يا ابله.....يا ابلة نعمت ...انتى اعظم و اطيب و اجمل ابله عرفتها.......ابنك الدكتور تامر
و اتخرج الدكتور تامر من كلية الطب و بقى دكتور ناجح و كل فتره يبعت نفس الرساله للابله نعمت .....لحد ما وصلتلها رسالة من تامر مكتوب فيها (( أبلة نعمت مهما شكرتك فلن اوفيكى حقكى على....انقذتينى من الضياع حتى اصبحت من المتفوقين...جعلتينى اتخطى المى و احزانى على امى الحبيبه.....انا نجحت يا ابله.....يا ابلة نعمت ...انتى اعظم و اطيب و اجمل ابله عرفتها.......امى الحبيبه نعمت ارجو ان تتقبلى دعوتى الى حفلة زواجى...و لن يجلس على كرسى ماما غيرك انتى.....ابنك الحبيب الدكتور تامر))
لم تتمالك الابلة نعمت نفسها من العياط

و فعلا راحت حفلة الزفاف لقيت تامر و خطيبتو مستنينها على الباب ..... واول ما تامر شافها
راح باسها من ايدها و لقاه لابسه الاسوره بتاعت مامتو حاطه الكولونيا بتاعت مامتو.....راح حضنها قوى و قالها انتى اعظم ام فى الكون...و قرب منها و قالها ((أبلة نعمت مهما شكرتك فلن اوفيكى حقكى على....انقذتينى من الضياع حتى اصبحت من المتفوقين...جعلتينى اتخطى المى و احزانى على امى الحبيبه.....انا نجحت يا ابله.....يا ابلة نعمت ...انتى اعظم و اطيب و اجمل ابله عرفتها.......ابنك تامر))

راحت الابله نعمت بكت بكاء مرير ...و قالت انا اللى بشكرك يا تامر
راح تامر قالها (( لا ابدا...انتى علمتينى يعنى ايه اهتمامك بحد ممكن يغير شكل حياتو.....علمتينى يعنى ايه لما اقف مع حد ف ازمتو انو ممكن يتحول يبقى اعظم انسان ف الكون........بحبك جدا يا امى))

***فهمت الدرس حضرتك؟؟؟

انا فاكر انى كان فى حد بيحبنى جدا و كل ما يقابل ناس يكلمهم عنى و يشكر فيا و يقولهم قد ايه انو بيحبنى و حجات كده...........روة39حت سألتو ....بصراحه انا بشكرك جدا على زوءك بس معلش انا مش عارف ايه اللى مخليك تحبنى قوى كده......راح قالى حاجه غريبه.....قالى تعرف ....انا اول مره اقابلك فيها كنت مضايق جدا جدا بسبب موضوع معين بس شوفتلك بتتسملى كتير
و كل ما تبصى تستسملى بجد الابتسامه دى غيرت مجرى حياتى
انا استغربت من اجابتو و متوقعتش كده.......بس بجد عرفت ساعتها قد ايه انو ممكن نقدم حجات بسيطه جدا جدا و الناس تحبنا جدا جدا .

* مره كنت ف ازمه نفسيه معينه ....خسرت فيها بعض الناس و خسرت فيها حجات كتير بس الفكره انى لقيت شخص واحد بس هوا اللى واقف جمبى .... انا استغربت ليه الشخص دا بالذات مع انى قولتلو كلام غريب قبلها بيوم واحد بس......محدش يتخيل الشخص دا اثر فيا قد ايه
غير فعلا مجرى تفكيرى قد ايه .... و بجد انا بهديلو القصه دى من قلبى .... و لو فعلا امتلك انى اديلو قطعه من القمر كنت ادتهالو......عارف لما شخص يقف معاك ف ظل اعنف مشكله انتا مريت بيها ف حياتك؟ ....عارف معنى انك تكون مضايق جدا و تحرج شخص معين اكتر من مره و تزعلو اكتر من مره
و ف وسط محنتك متلاقيش حد يقف جمبك غيرو؟ .... عارف معنى انك تكون حزين جدا و دمك تقيل جدا و كلامك رخم جدا و تلاقى الشخص ده يستحملك و يتكلم معاك و ينجح انو يخرجك من مشاعرك اللى انتا فيها...........انتا متخيل معايا شخص بالشكل ده هتحبو قد ايه؟ هتعزو قد ايه ؟
*** عارف لما تكون ف وسط الظلام و محتاج لشمعه تنورك طريقك .....تقدر تبقى انتا الشمعه دى؟
تقدر تبقى انتا الشمعه اللى بتنور للناس فى مشاكلهم؟
تقدر تبقى انتا الشمعه اللى بتدفى ف وقت البرد؟
تقدر تستحمل شخص معين تعبان او مضايق لحد ما تخرجو من مشكلتو؟
و الله ثم و الله ثم و الله ...... لو بقيت انتا الشمعه
فعلا ساتها هتبقى اسعد انسان فى الكون ......اسعد اسان فى العالم.
و هتلاقى انك فعلا شخص محبوب من كل الناس.
**شكر خاص جدا للى قرى مقالى لحد احرو
**شكر اخص للى هيقرر فعلا انو يساعد الناس اللى مش محتاجه منو غير انو يقف جبهم بكلمه كويسه....بابتسامه.....باى حاجه بس اهم حاجه (( كن انت الشمعه))

فارس السنه
غفر الله له

السلام عليكم ورحمه الله وبركاته

طب بالله فى ايه اجمل من كده شعور
اللهم استعملنا ولا تستبدلنا اللهم اجعلنا سبب فى ابتسامه جريح
اللهم اجعلنا الدواء الشافى وفرحه كل مهموم ياااااااااااااارب

من طرف الا سول الله الثلاثاء مارس 27, 2012 2:16 pm

الــســلام عــلــيــكــم ورحــمــة الله وبــركــاتــة

شعور جميل بان تكون دواء لانسان ما او عون له حتى الشفاء او الفرج او ان يخطو خطوه فيها الامل وهدف ينال بلوغة وسعادة تملى قلبة بصحبتك؟؟
حثنا الاسلام على الاحساس بمعانة الاخرين والتبسم لهم وتقديم اي معونة مهما كانت حقيرة وحسب الاستطاعة
قال رسول الله صلى الله عليه وسلم:
((تبسمك في وجه أخيك لك صدقة، وأمرك بالمعروف ونهيك عن المنكر صدقة، وإرشادك الرجل في أرض الضلال لك صدقة، وبصرك للرجل الرديء البصر لك صدقة، وإماطتك الحجر والشوكة والعظم عن الطريق لك صدقة، وإفراغك من دلوك في دلو أخيك لك صدقة))أخرجه البخاري في الأدب المفرد والترمذي وابن حبان.

وقوله صلى الله علية وسلم :
(( أنكم لن تسعوا الناس بأموالكم فليسعهم منكم بسط الوجه وحسن الخلق )) رواه مسلم

وقال – صلى الله عليه وسلم
(( لا تحقرن من المعروف شيئاً ولو أن تلقى أخاك بوجه طليق ))
رواه الحاكم والبيهقي في شعب الإيمان

وعن جرير بن عبدالله رضى الله عنه قال :
(( ما حجبني النبي صلى الله عليه وسلم ، ولا رآني إلا تبسم في وجهي )) رواه البخاري

جـــزاك الرحــمــن الــفــردوس اخــي بما تضعة في موضوعك من مضمون الحث على الابتسامة وتقديم العون والوقوف بجانب شخص ما في محنتة حتى بمجرد الشعور بمعانتة ومحنتة والدعاء له، فكما نسعد العبد بما نقوم به لاجله فاننا نسعد المولى عز وجل بما نعمل ، نسال الله ان يجعلها في ميزان حسناتنا

كن انت الشمعه !!!

كن انت الشمعه !!!

رد: كن انت الشمعه !!!

رد: كن انت الشمعه !!!