رسالة الي الشيخ نور

السلام عليكم ورحمة الله وبركاته
شيخي الفاضل الشيخ نور
حضرتك في درس امبارح في الغرفة قلت انا مش مسامح كل اللي ضد ضم الغرف وهسألكم واشكيكم يوم القيامة
لا تتخيل ياشيخ كلامك دا وجعني قد ايه وهزني
بعد دا كله واللي اتحملناه في البرنامج دا من اهانات وشتيمة وسب في اعراضنا وكنت بقول لله وعلشان الدعوة بعد دا كله حضرتك بتقول مش مسامحنا وهتشكينا
لو انا او غيري تفكيرنا غلط فلينا حق عند حضرتك وواجب حضرتك نحونا انك علي الاقل كنت تعمل اجتماع للجميع وتفهمنا رأيك ووجهة نظرك علشان بعد كده لما تتبرأ منا يكون من حقك انما حضرتك ياشيخ معملتش كده
انتم قلبتوها تحالفات ومجموعات وكأننا اعداء مش كلنا في طريق واحد وهو الدعوة لله
ياريت حضرتك كنت فهمتنا ونزلت من مستواك لعقولنا وفهمنا البسيط قبل ما تقول مش مسامحنا يمكن كلامك كان غير فكرنا
عذرا ياشيخ لكن كلامك اثقل قلبي واحزني
بعد كل حاجة في البرنامج دا ونيتي ان دا لله بعد دا كله تطلع نيتي صالحة وعملي فاسد
كل اللي شتموني او هنوني مش هزوني ولا حركوا فيا ساكن زي كلام حضرتك ما بكاني ووجعني
انا دخلت البرنامج دا لله وكنت بجدد نيتي لله
ولو وجودي ونيتي ودا كله وفي الاخر عملي فاسد فانسحابي افضل لكن ليا حق عند حضرتك ياشيخ وكان واجب عليك تفهمنا وتاخدنا علي قد عقلنا وتنزل لمستوانا حضرتك معملتش كده
لو البرنامج دا هيشيلني ذنب امام ربي يبقي بعدي عنه افضل
لما الناس كانت بتبعد كنت ببقي مكاني لان ليا هدف ونية لله وكنت بعتب عليهم ازاي تهون عليهم الدعوة انما لو طلع نيتي وعملي ودا كله حجة ضدي وذنب جديد يبقي بعدي افضل
واسأل الله ان يغفر لي ما لا اعلم وماذنبت بعلم او بغير علم
اللهم اليك المشتكي وانت المستعان

السلام عليكم ورحمة الله وبركاته
جزاكم الله خيرا واسمحوا لى اعلق على الموضوع
وان كان التعليق لا يغير من النفوس شئ والشيخ نحسبه على خير ولا نزكيه على الله الا ان مما اخذ على الشيخ انه يخاصمنا امام الله عز وجل ويشكونا لله عز وجل ان لم نرضى بضم الغرف ولعل ذلك كان اجتهادا من الشيخ فأسأل الله ان يأجره عليه وان كنت لأرى فيما يخالف الرأى الصواب وهو عدم توحيد الغرف ويعلم الله انى كنت من اول من يقول بتوحيد الغرف فى برنامج البايلكس ولما حدث وتم توحيد بعض الغرف حدث مشاكل كان نتاجها ان كثير من الاخوه والدعاه تركوا البرنامج ومنهم من ترك النت بالكليه ليبعد عن هذه الخلافات ولا يخفى ان هناك بعض الناس يفتروا ويقولوا بالزور واذا ما اردنا ان نرد بعض الافتراءات هاجمنا الناس لاننا نرد عن الاعراض ..... واخيرا اقول ان كل شخص له اجتهاده فمنا من يري بان ضم الغرف اولى ومنا من لا يرى ذلك وللمجتهد المصيب اجرين والمخطئ اجر ولا احب ان يكون اختلاف وجهات النظر تسبب عداوه او بغض فنحن جميعا هدفنا واحد وهو الدعوه الى الله عز وجل فمنا من يدعو باللسان ومنا من يدعو بالبنان وان كنت احب ان يكون اكثر من غرفه اسلاميه لكن تربطنا الدعوه ولا يفرقنا الخلاف كما هو مشاهد الان ولعل كثير منا من يغضب لنفسه وهذا لم يفعله رسول الله صلى الله عليه وسلم
واعتذر على الاطاله وادعو الله عز وجل الذى جمعنا فى الدنيا الفانيه على طاعته ان يجمعنا فى الاخرة الباقية فى جنته ومستقر رحمته انه ولى ذلك ومولاه