الحرية ....من منظور مختلف

بسم الله
الحريه بالنسبالك ايه؟ ....تقدر تقولى ايه رأيك فى الثورات العربيه؟ ...انتا مع او ضد اللى بيقولو ان الثورات العربيه ادت الى مفاسد ؟ ...تقدر تثبت وجهة نظرك دى؟
***كل الاسئله دى مش هنتكلم عنها هنا ....لانى هتكلم عن حريه من منظور مختلف
خلينى اقولك ايه الموضوع ببساطه....بغد ما تعرف القصه دى
***من فتره _حوالى سنه تقريبا_ لقيت نفسى بدى محاضره فى احدى برامج الدردشه الصوتيه
و كنت بدى المحاضره عن ((الافكار)) و اتكلمت عن المبادىء و القيم و المعتقدات .....الح
و ازاى الحجات دى بتأثر علينا.....و اتكلمت عن حجات تانيه فى نفس السياق.
اللى استغربلتو بجد....انو فى اخت بتكلمنى و بتعبرلى عن اعجابها بالمحاضره و حجات كده
و قالتلى بس انتا نسيت حاجه ....قولتها زى ايه حضرتك؟
قالتلى زى انك متكلمتش عن المحجبات و انهم بيكبتو حريتهم باديهم و بيتسكوا بافكار قديمه جدا
انا ف خلال تلات ثوانى عقلى فكر فى مليون موضوع.....هيا البنت دى مسلمه و لا مسيحيه؟
طيب غرضها ايه من السؤال؟ ...المهم بقى ارد عليها ازاااااااااااى؟
و سبحان الله لقيت اجاب أسألتى.......قولتها انا مع حضرتك كملى كلامك .
قالتلى و هوا اصلا مفيش فى دينا امر شرعى بلبس الحجاب و النب علية الصلاة و السلام بيقول رفقا بالقوارير يعنى النساء.....و انا فعلا يهمنى انى اعرف راى حضرتك لانو مهم جدا بالنسبالى ....
و هنا قولتها ....ممتاز جدا ان الواحد يبقى متحرر و انو يبقى ضد الافكار القديمه و الرجعيه و انو كمان يحاول يدافع عن جنسو من الافكار القديمه دى ....و علشان كده ....انا يهمنى انى اتناقش مع حضرتك
فى كبت الحريات اللى حضرتك اتكلمتى عنها.....و خلينى أسأل حضرتك سؤال...هل ممكن نقول ان
الحريه هى ان تفعل ما تريد مهما كانت الظروف و المؤثرات ؟ قالتلى طبعاااااااااا
قولتها ممتاز ....سؤال تانى لو سمحتى......انتى مش عاوزه البنات يلبسو الحجاب ليه؟
قالتلى علشان يعيشو حياتهم بجد و بحريه تامه.....قولتها ....رائع فعلا
بس مش دى الحريه اللى لسه متفقين عليها من شويه......يعنى فين عنصر التحدى للظروف و المؤثرات .....قالتلى انا قصدىى....قاطعتها بسرعه و قولتها .....بناء على التعريف السابق اللى احنا الاتنين متفقين عليه يبقى المنقبه اكتر واحده عندها حريه....يا انسه حضرتك متحديش اى ظرف او مؤثر....حضرتك اخترتى انك تمشى مع التيار (اللى عايش حياتو) و تبعدى عن التيار اللى بيتحدى الصعوبات كل لحظه و كل ثانيه.....البنت المنتقبة ممكن تكون حرة اكتر منك لانها اختارت انها تفرض على المجتمع اسلوبها وايمانها بالي هي فكراه صح ، اتولدت بشعرها ومحدش قالها اتحجبي واتحجبت واختارت انها تبدل كل ده وتنتقب بسبب ايمانها بفكرة وبتوجه كامل لان محدش بيفرض عليها انها تنتقب بس هي حبت وامنت واقتنعت واطاعت ونفذت في النهاية اما انتي اختارتي انك تخضعي للمجتمع واسلوبه اختارتي انك تمشي مع التيار( اللى عايش حياتو).....الفرق بين حضرتك و بين المنقبه انو فى الوقت اللى حضرتك مشيتى مع التيار ...هيا تحدت كل المؤثرات و كل التحديات..و رفضت ان حد يكبت حريتها و يشيل نقابها........بالله عليكى...حد عاش حياتو كلها مؤيد لفكره و تحدى العالم كلو علشانها ....دا يبقى حر و لا مش حر؟.....قالتلى حر بسسسسسس
قاطعتها تانى و قولتها المنقبه كل يوم و كل ثانيه بتشعر باضطهاد بس هيا مصره على رأيها و مبداها
قالتلى ...اوكى هما احرار....بس انا كمان حره و انا مقتنعه بانى افضل من غير حجاب.
قولت فى نفسى (دلوقتى بقيو احرار....و دلوقتى بتدافعى عن نفسك هههه )
و قولتها تمام متفق معاكى.....بس جربى كده و اسألى اى واحد ماشيه بشعرها ...عامله كده ليه
مينفعش تجاوب و تقولك اصلى انا حره و ...الخ
لكن اسألى اى واحده منقبه انتى عامله كده ليه......هتديلك الف سبب و سبب عرفاهم عن اقتناع.
**و بعد حوار بسيط خارج عن النقاش......سالتها بس قوليلى ...هتلبسى النقاب امتى؟
قالتلى نقااااااااااب؟ .....قولتها خلاص ...هتلبسى الحجاب امتى؟.......قالتلى اوعدك انى هلبسها اول ما انزل بجد.........هنيتها على الخطوه الرائعه دى ....و بعدين كلمتها فى ان الدين بيأمر بالحجاب
و ف الاخر شكرتنى على وقتى اللى اديتهولها........و انتهت المحاوره...و انا متأكد انها فعلا بقيت محجبه (و يمكن كمان تبقى انتقبت) و ربنا يوفقها و كل المسلمات الى ما فيه الخير و الصواب..امين
***خلونى اقولكم ان الموضوع ببساطه انو فى حكمه
بتقول ((كون المرء حرا لا يعني شيئا اما ان يصير حرا فهذا هو الانجاز الحقيقي))
انك تتولد فى مكان معين و تتعلق بيه نفسيا _مثلا_ و تيجى اللحظه اللى المفروض تبقى حر فيها و تختار انك تتحدى كل الظروف و المؤثرات اللى جواك...و تروح مكان تانى لانو افضل و احسن و هيحقق هدفك _الدعوه الى الله_..........الانجاز الحقيقى ان يصير المرء حرا .
***شاكر للى قرى مقالى للاخر........و بجد اشسف على الاطاله.
فارس السنه

اللهم اميييييييين

الــســلام عــلــيــكــم ورحــمــة الــلــه وبــركــاتــة


(موضوع هام والصيغة مرتبة والالفاظ واضحة وطرح بصورة جميلة وبه عمت الفائدة) .

يختلف مفهوم التحرر من منطقة الى اخرى ، فتلك الفتاة تختلف وجهة نظرها للحجاب وهي من عاشت بعيدة عنه عن تلك الفتاة التى عاشت وهي من عاشت معاه وترتدية بدون قناعة به

فاذا اخذنا القصة مقرونة بفتاة اخرى وبمنظور اخر (اي وضع الفتاة المنقبة مكان الاخرى الغير محجبة ) ودار الحوار بينك شيخنا الجليل وبين الفتاة التى في الطرف الاخر (المنقبة ) وهي تطالب بالتحرر من الحجاب لان اهلها يرغموها عليه وان الاسلام لا يفرضة اطلاقا .....؟؟؟


فالحرية من وجهة نظري هي ان ينحط لي الخيرات وبدون ضغط عليا واختار الجهة الصواب ويختلجني احساس بالرضاء عن قراري وكذ لك الاحساس برضاء الخالق والتاكد من اني في المسار الصحيح مع استمرارية المراقبة من قبل الاهل لاسعر بالامان وبهتمامهم ايضا وفي كل التصرفات .


فالبنسة للحجاب الاسلامي فالحمدلله فبلدي مازال الحجاب هو اللبس الرسمي والتقليدي للبلد ( اليمن ) والحجاب هو اختياري في وقت كان بمقدوري اختيار ان اكون كاشفة فالحمدلله رب العالمين .
لكن المشكلة هي وجود بعض الاخوات من تظن ان الحجاب عبئ ثقيل وتسعى جهادة الى التطور والرقي والتحرر بمفهومها اى نزعة ، وتبادر البعض بشيل الحجاب بمرد ان تتاح لها الفرصة لذلك ، كأن تسافر الى بلد اجنبية ... فسرعان ما تسارع بالتبدع في اللبس والتبرج والعياذ بالله .




فكما طرحت مسبقا / النظر في سرد الموقف والقصة مع تغيير موقع الفتاة الى فتاة محجبة تسعى الى التخلص من الحجاب ....؟؟ اود الاستفادة منكم شيخنا في كيفية الحوار مع تلك الفتاة وكيف يمكنني اقناعها ....الخ .


ولكم جزيل الشكر والاحترام وجزاكم المولى خيرا لما طرحت وبما افدت وبما ستطرح وبما ستفيدننا