مجرد اطارات

بسم الله
تقدر تجاوب على السؤال ده
واحده قابلت واحد....قالتلو ابوك جدى و امى جدتك و انا عمتك و انتا خالى......يقربو ايه لبعض؟
و ف خلال ما انتا بتقرى كلامى و بتفكر فى السؤال
خلينى احكيلك .....و انا صغير كنت بسأل اسئله غريبه شويه
مين اللى صنع الشجره ؟ والدتى كانت تقولى (ربنا)
مين اللى صنع الجنينه ؟ والدتى كانت تقولى ( ربنا )
مين اللى صنع ربنا ؟ _استغفر الله طبعا بس انا كنت صغير_ والدتى كانت بتقولى (حرام)
يعنى ايه (حرام)؟
و الحاجه اللى كانت بتضايقنى لما اروح للحلاق علشان احلق شعرى
كنت اضايق جدا و اقولهم ( ما اختى مش شعرها طويل و مش بتحلقو و مش بتخلوها تروح للحلاق)
كانت والدتى تقولى ( هيا ولد و انتا بنت ) ....كنت اقول ( و ايه الفرق ) ...والدتى كانت بتقولى ( عييييييب )
كنت اقولها ( يعنى ايه عيب؟)
**و كانت اسألتى كتيره جدا.....بس الفكره ان والدتى مكنتش بتجاوب على اغلب الاسئله غير
ب ( عيب ) و ( حرام) و ( اسكت)
جاتلى فكرة انى ولد عبقرى و عقلانى جدا و مبتكر لان الكبار مش عارفين يجاوبو على أسألتى
و الفكره دى فضلت تزيد جوايا مع الوقت.........لحد ما كبرت و عرفت اجابات الاسئله بتاعتى كلها
و عرفت ان والدتى هيا اللى عبقريه مش انا.....و ان أسألتى كانت عاديه جدا و مفهاش ادنى عبقريه
***بس خلونى اقولكم ايه اللى حصل
اللى حصل انى حطيت نفسى فى (اطار ) معين .....و ركزت عليه
*مثال للتقريب :
كام مره عرفت شخص .... و حبيتو و اتقربت ليه....و شوفت فيه مميزات الدنيا كلها
و بعدين اكتشفت انو خسيس و مش محترم؟
*مثال للتقريب جدا :
كام مره اخدت برأى معين و افتكرت ان معاك الحق فيه و دافعت عنو بكل ما تملك من قوه
و بعدين أكتشفت انك مخطىء ؟
*مثال للتقريب جدا جدا _لضعاف النظر_ :
هل ف يوم اشتريت حاجه معينه لانك اعجبت بيها لما شوفتها او لما سمعت عنها ....و بعد ما اشتريتها ندمت ....و شوفت فيها عيوب كتيره جدا جدا و ....و يا ريتك ما جبتها .
*** اكيد فهمت انا بتكلم عن ايه ..........انها ( الاطارات)
طول الوقت بنحط الناس اللى بنقابلهم فى اطارات معينه
*فلان خاين
*فلان كذاب
* فلان نصاب
*فلان محترم
*فلان ذكى
* فلان كذا او كذا او كذا
****مع انو مش شرط ان فلان يكون كذاب او فلان يكون محترم او ايان كان....بس لمجرد اننا حطيناه فى اطار معين ...فنترجم كل افعالو تحت الاطار ده.
علشان كده المتنبى بيقول
و عين الرضا عن كل عيب كليلة و لكن عين السخط تبدى المساويئ
بيقول ......اننا لو راضيين على حد معين هنشوفو بعين الرضا (اطار الرضا) و علشان كده مش هنشوف فيه و لا عيب
اما بقى لو شوفنا بعين السخط و الكره ( اطار السخط و الكره) بتظهر كل العيوب و اكن الشخص اللى قدامنا مفهوش و لا ميزه .
*** علشان كده خلونا اقولكم.......كواحد دارس للتنميه البشريه ......او حتى شخص عادى جدا
خلينى اقولك من كل قلبى .......متحبش حد قوى.....و متكرهش حد قوى
متحطش حد فى اطار هوا ميستحقهوش.
اخواتك هما اخواتك من النسب....بحبك زى اخويا .......نادر جدا ما هتلاقى حد يستحقها.
***الموضوع ببساطه :
1/ شوف حاطط مين فى انهى اطار.
2/ لا تبالغ فى حب او كره.
3/ نق اطارات ....شوف هل الشخص الفلانى يستحق الاطار الفلانى و لا لاء
*كامل حبى و تقديرى
فارس السنه

السلام عليكم و رحمة الله
اختنا الفاضله جزاكم الله خيرا على قرائتكم المتأنيه للموضوع
و بارك الله فيكم على هذا التعليق الذى افادنى بوجه خاص
لذلك أحببت التعليق على بعض كلامكم المبارك
و لكن لناخذ مثالا قبل كل شىء
(( الاستاذ فلان اتعرف على الاستاذ علان.....و الاستاذ فلان حب الاستاذ علان لانو لقى فيه انو
1مؤدب
2و محترم
3و صادق
4و امين
......و بقيو اصدقاء....لظرف او لاخر ...حصلت بينهم مشاكل
بعدها بفتره اكتشف الاستاذ فلان ان الاستاذ علان مش كويس
و انو 1/ انو مش مؤدب اطلاقا و ان كل الناس بتكره فيه سوء اخلاقو
و تطاولو الدائم و المستمر على جيرانو اقاربو ...و حتى لو والدى فى البيت...كل يوم يشتم والدو و يهزئوه قدام الناس
2/و اكتشف الاستاذ فلان ان الاستاذ علان ....اصلا فاتح بيت دعاره
و انو بيسرح البنات فى الدعاره.
3/و اكتشف الاستاذ فلان ان الاستاذ علان طلع اكبر كداب فى البلد
4/ و اكتشف الاستاذ فلان ان الاستاذ علان ....ماسك تنظيم عصابى صغير....و مهمة التنظيم ده انو يسرق المحافظ فى الاتوبيسات و كده
***دى حكاية الاستاذ فلان و الاستاذ علان.
و المهم دلوقتى ...انى عاوز اعلق دلوقتى على كلام شدنى و يهمنى انى اعلق عليه........يلا
أولا : انت لم تخطاء انك وضعته فى هذة المكانه لانه بالفعل كان يستحقها قبل ان يثبت العكس
....سؤال : هل الاستاذ علان يستحق المكانه اللى حطو فيها الاستاذ فلان فى الاول؟؟؟
ثانيا :من الافضل ان لا نجعل كل تفكيرنا باخر ماظهر
....سؤال : هل نقول للاستاذ فلان انك متخليش تفكيرك فى الحقائق اللى عرفتها عن الاستاذ علان .....و عادى بقى خليك صاحب الاستاذ علان لحد ما يدخلك شبكة الدعاره او شبكة النصب.......و لما يسألنا الاستاذ فلان ليه بتنصحونى بكده....نقولو ((لا تجعل كل تفكيرك باخر ما ظهر؟؟؟))
ثالثا : لان فى الحاله دى هنتصدم كتير وهنعاتب نفسنا اكتر
....سؤال : هل ينفع اقول للاستاذ فلان ....انك لو ركزت تفكيرك على الحقائق الاخيره اللى عرفتها عن الاستاذ علان......هتتصدم و هتعاتب نفسك كتير؟؟؟.........انا متوقع ان الاستاذ فلان هيرد علينا و يقول
1/ ما هو انا كده كده اتصدمت فيه
2/ هعاتب نفسى ليه ...هوا انا اللى وحش و لا هوا؟
3/ ده صديق سوء و ربنا بيقول ((يوم يعض الظالم على يديه.......يا ليتنى لم اتخذ فلانا خليلا)) .
4/ هل المطلوب انى ارحلو و افسد زيو و اسمحلو انو يفسدنى لمجرد انكم بتقوليلى (متخليش كل تركيزك على اخر ما ظهر )
***انا بصراحه مقتنع تمام الاقتناع بوجهة نظر الاستاذ فلان .
و اكرر شكرى لكم اختنا المباركه لقرائتكم المقال و للتعليق عليه و هذا شرف كبير لى.
*حياتى قبل تحياتى
فارس السنه
غفر الله له و ابعده عن السوء و اهله ....امين

تعليق سريع
هل حضرتك كنت تعلم كل هذة الحقاق قبل حدوثها منه؟؟
طبعا اكيد السؤال موجه للاستاذ فلان مش ليا
و انا اتوقع ان الاستاذ فلان هيجاوب و يقول.....لم اكن اعلم هذه الحقائق قبل حدوثها او ما دام محدش اخبرنى بيها ....بس لما عرفت بعدت عنو و دا الصح.
**لا نلبس النضاره السوداء
و انا بدورى فارس السنه....اقوم الان بتوصيل تلك الرساله الى الاستاذ فلان.....و بقولو يا استاذ فلان
(( لا تلبس النظاره السوداء))
1/ الاستاذ علان صاحبك طلع مش راجل و طلع خاين و ندل ((وفيها ايه؟ عادى....اوعى تلبس النظاره السوداء))
2/ الاستاذ علان صاحبك طلع سافل و عامل شبكة دعارة ((و فيها ايه؟؟ عادى بردو....اوعى تلبس النضاره السودا))
3/ الاستاذ علان صاحبك طلع عامل تنظيم عصابى و بيسرق الناس (( و فيها ايه؟؟ عادى جدا...اوعى تلبس النضاره السودا))
4/الاستاذ علان صاحبك طلع قليل الادب مع كل الناس حتى ابوه ((وفيها ايه؟؟...عادى جدااااااااا...اهم حاجه متلبسش النضاره السودا))
5/ الاستاذ علان صاحبك طلع كذاب ...(( و فيها ايه يعنى؟؟ بردو عادى....اهم حاجه متلبش النضاره السودا))
***دى اول حاجه بقولهالك يا استاذ فلان ...متلبسش النضاره السودا.
*الحاجه التانيه : لا تقف عند ما حدث
و انا بدورى فارس السنه بوصل الرساله دى للاستاذ فلان و بقولو
1/ الاستاذ فلان طلعت فيه كل الصفات الوحشه دى ....مفيش مشكله
لا تقف عند ما حدث
و انا حاسس ان الاستاذ فلان بيزعقلى و بيقولى ((أماال أقف عند ايه؟؟)) و انا مش عارف ارد اقولو يقف عند ايه؟
اه لقيتها...اقولو ان الاستاذ علان اكيد فييه صفات كويسه بردو مش كل صفاتو وحشه
بس اكيد الاستذ فلان هيقولى ...انتا عاوزنى اتجاهلل كل الصفات الوحشه اللى فيه و اركز على كام صفه حلوه بس؟!!!!!
بصراحه مش عارف اقولو ايه ....بس فيه حاجه مهمه يا استاذ فلان
الحاجه التالته : وياريت نعدى المرحله
يعنى ببساطه يا استاذ فلان الموضوع كالاتى :
1/ الاستاذ علان صاحبك طلع صديق سوء....و الدين بيقول انو المفروض اننا نهجر اصدقاء السوء......بس بص ...سيبك...متهجروش..(وعدى المرحله)
2/ الاستاذ علان صاحبك طلع مش كويس و لو كملت مصاحبة معاه هيفسدك ......بس اقولك .....سيبك...كمل صحبة معاه..(وعدى المرحله)
3/ الاستاذ علان صاحبك طلع مش كويس....بس انتا لازم تعدى المرحله
يعنى كلمو عادى (و اعمل منافق) و اضحكلو .....(و عدى المرحله)
***شوف يا استاذ فلان.....انا بصراحه مش عارف اقولك ايه اكتر من الكلام الى قولتلو
كلام واضح و قوى و مقنع و مؤثر غاية فى التأثير.
***تحياتى.........فارس السنه

اللهم امين