قصه و تعليق

بسم الله
لسه راجع دلوقتى من مشوار مهم جدا
و قابلت واحد صاحبى فى الطريق
كانت معاه مشكله و خكهالى
و هوا كان عاوز يكدب علشان يطلع من المشكله دى
انا طبعا قولتلو لاء و مينفعش ....الخ
راح رد عليا رد غريب جدا قال فيه (( هو انا لو كنت عايش فى مجتمع كويس كنت هكدب؟!!!
انا عايش فى مجتمع وحس و كلو كدب ف كدب علشان كدا انا هكدب علشان اطلع نفسى من الموقف ده))
خلونا نقف شويه مع الجمله الطويله دى اللى بقينا نسمعها كتير
الاب : يا ابنى انتا ليه مش بتذاكر؟
الابن : الاستاذ مش بيعرف يشرح / المدرسه مش كويسه / المواد صعبه / نظام التعليم سىء
*******
الشاب لصديقه : انتا ليه بتعاكس بنات؟
الاجابه : هما البنات اصلا مش محترمين / هيا البنت عاوزه تتعاكس / كل الشباب بتعاكس
*******
الداعيه لأحد الشباب : انتا ليه مش بتصلى ؟
الشاب : والدى مربنيش على الصلاه / اصحابى مفيش حد فيهم بيصلى / مديرى فى العمل مش بيخلنى اصلى
******
الداعيه للحرامى : انتا بتسرق ليه ؟
الحرامى : الدنيا بقيت صعبه / الاسعار مولعه نار /يعنى هوا حد قالى اشتغل بالحلال و انا رفضت
******
الداعية للمرتشى : انتا بترتشى ليه ؟
المرتشى : ما هى الدنيا كلها كده / الناس عودتنا على كده / كل زمايلى بيعملو زيى / محدش قالى مترتشيش
*************** الخ الخ الخ
السؤال : الناس بتلوم ليه؟ ليه بتعلق كل حاجه على الاخرين؟ ليه الناس عاوز تبقى ضحايا اما لمجتمع او لقانون او لوضع معين.....الخ ؟؟؟
فيه اسباب كتيره.....خلونا نتعرف على سببين منهم بسرعه شديده
السبب الاول : ان البعض يعتقد ان السعاده او التعاسه مؤثر خارجى :
فى بعض الناس فاكره ان السعاده او التعاسه هيحصل عليها لما فلان يديلو وظيفه او....الخ
مع ان الفكره مش كده
و بنكرر ديما
اياك ان تربط سعادتك باحد
زى فى احدى الدورات التنمويه......واحده متزوجه قالت انا هبقى سعيده لما زوجى يرضى عنى
المدرب قالها رائع....و اكيد جوزك هيشوف الدوره دى و هيسمعك و انتى بتقولى كده
و هيفرح جدا و هيقول الحمد لله ان ربنا رزقنى بزوجه كل همها فى الدنيا انها تسعدنى.......و علشان كده هيقولك (( و الله انا عاوز منك حاجه واحده لو عملتيهالى هبقى اسعد زوج فى الدنيا و هبقى راضى عنك و يوم القيامه هقول لربنا انى راضى عنك اكتر من نفسى
الطلب هوا انك تدوريلى على زوجه تانيه اتجوزها ؟؟؟
اول ما المدرب قال الجمله دى...الزوجه قالت ( أ أ اأ أ أ ) الكلام راح منها و بعدين قالت ( لا طبعا)
علشان كده اياك انك تربط سعادتك او تعساتك بشخص معين .
انت المسئول عن سعادتك و تعاستك........ياما ناس كتيره جدا عاشت احلك الظروف و كانت سعيده
السبب التانى : للهروب من الفعل و المواجهه :
التلميذ بدل ما يروح ذاكر يفضل يتكلم عن المدرسين و نظام التعليم و و و
مع انو المفروض انو يروح يذاكر و يواجه الحقيقه المره التى هى ان كتر من الطلاب اللى معاه فى نفس المدرسه و الفصل و بيدهم نفس المدرس ...بيذاكرو و بيجتهدوا و متفوقين.
**من غير ما اطول عليكم
انتا تقدر دلوقتى انك تتحمل المسئوليه ؟.....تقدر اكيد و بكل قوه
سيبك من لوم الاخرين
لان النظريه بتقول (( عندما نلوم الاخرين نصبح ضحاياهم و نبرر تصرفاتنا تجاههم و نعطيهم جزء من اوقاتنا ....التى من المحتمل ان تكون الاخيره ))
انفد بجلدك من قاع التخاذل و الهروب و عدم المواجهه
و عيش حياتك بكل ما فيها
فارس السنه