تقدر ترضى بجد

ناس كتير مش بتحب المقدمات الممله ....هل انت منهم؟
علشان كده خلينى ادخل ف الموضوع على طول و اسألك كام سؤال .....بعد اذنك طبعا
هل هناك فى حياتك الان شىء لا تريده؟ ....فى ف حياتك حجات انتا مش عاوزها ؟
هل هناك فى حياتك اشياء غير موجوده و انت تريدها؟ ...فى ف حياتك حجات انتا حاببها و محتاجلها بس هيا مش موجوده؟
فكر ف سؤالى كويس.....و ف خلال ما انتا بتفكر ف سؤالى ....خلينى أقولك قصه بسيطه لو تسمح
***الباش مهندس فارس..مهندس بترول فى شركه عالميه ....حياتك سعيده جدا من الناحيه الماديه....بس تعيسه جدا من الناحيه الزوجيه......بره البيت ديما مبتسم و سعيد و مبسوط.....بس اول ما يدخل البيت و يشوف مراتو (مدام خديجه) يضايق و يزعل ....لانها ديما بتتخانق معاه و ديما عملالو مشاكل مع عيلتو.....و ديما مش بتخليه ينام غير و هما متخانقين.....و مش بتديلو حقوقو الشرعيه......و بتصرف كل فلوس البيت على الملابس و الموضه.......الخ
و بعد خناقه من الخناقات المستمره .....الباش مهندس فارس ساب البيت و راح لفرع اخر من فروع الشركه اللى هوا شغال فيها.....و قعد هناك عشر تيام.....ف خلال الايام دى.....اتعرف على انسه منى).....باش مهندسه زى القمر......اتعرف عليها و شاف قد ايهانها مؤدبه و اخلاق و احترام و انها مرحه جدا و انو مجرد ما بيشوفها بيبقى سعيد جدااااااااا...........و اتعرف عليها و اتعرفت عليه.....و عدت العشر تيام....و رجع الباش مهندس فارس لبيتو.....و كالعاده ....مدام خديجه اتخانقت معاه......فراح قالها.....(انتى طالق.....انتى طالق.....انتى طالق)
و سابهلا البيت و هوا مرتاح جدااااا......اخيرا تخلص من الهم ده و هيروح يتجوز (منى) ياااااااااه على السعاده .......و راح فعلا و هوا عاوز يفاتحها فى الموضوع.....اول ما قابلتو.....قالتلو فارس ....باركلى
قالها ...ليه؟ قالتلو انا اتخطبت و كتب كتابى بعد27يوم ......بجد انا فرحانه جدا .......بس متنساش يا فارس انتا اكيد معزوم على فرحى.........الخ
و رجع فارس حزين جداااا.....و قعد فى فندق لمدة عشرة تيام.....قعد يفتكر قد ايه ان (منى) فيها حجات وحشه.....منى حلوه اه....بس لون عيونها وحش...و شعرها متقصف....و منى مرحه اه....بس متسيبه جدا فى اخلاقها و بتهزر مع كل الناس.........الخ
و بعدين افتكر (مدام خديجه)مراتو....و قد ايه انها صبرت عليه لحد ما بقى حاجه كبيره.....و قد ايه انها حنينه و طيبه.....و افتكر و هما مخطوبين.......و افتكر الشعر اللى كانت بتكتبو فيه......و افتكر قد ايه انه كانت بعد كل خناقه كانت بتصالحو و بتقولو انا اسفه و تاخخدو فى حضنها علشان يصالحها...الخ
و هناااااااا......عرف الباش مهندس فارس....انو ضيع الاتنين من ايدو.......مش هينفع يتجوز (منى)
و لا ينفع يرجع (لخديجه) ..............السؤال بقى.....مين اللى غلطان فى القصه دى؟
فارس...و لا ......خديجه........و لا.......منى؟؟؟
بس خلينى أسألك سؤال أهم........تعرف حد عامل زى الباش مهندس فارس.؟؟؟
تعرف حد مكنتش مرتاح فى بلدو مثلا و حاب يسفر بره بلدو و مات فى البحر ....و ملحقش لا بلدو و لا البلد التانيه اللى عايز يروحها؟
تعرف حد كان شغال شغلانه كويسه......بس سابها علشان شغلانه احسن منها....و لما اتقدم للشغلانه التانيه رفضوه؟
تعرف حد بالشكل ده؟
*** طيب تعرف قصة (مدام سلوى)......اللى كانت شغاله مديرة فى احدى اكبر الشركات العالميه للأزياء و الموضه......و كانت مهتمه جدا بشغلها و عايزه تثبت نفسها فيه........لدرجة انها ضيعت بيتها
و جابت مربية اطفال و شغاله........علشان هيا مش فاضيه لبيتها.......و انشغلت جدا بشغلها
و بقيت اشهر مديرة و انجح مديره فى شركتها..........لحد ما فى يوم ....لسبب او لاخر بعد الازمه الاقتصاديه العالميه اتقفلت الشركه دى و فلست.....و قعدت مدام سلوى تحاول انها تفتحها باى شكل.......لحد ما جالها اتصال من جوزها (أستاذ نادر) قالها تعالى الحقى ابنك بيموت
و راحت مدام سلوى للمستشفى .....بس للأسف .....ابنها كان مات......مدام سلوى صرخت و عيطت.........و قالت جمله تتكتب بماء الذهب ......قالت ( ضاعت منى كل حاجه.....ضاعت منى كل حاجه.......ابنى و شغلى.....ضاعت منى كل حاجه)
السؤال هنا.....مين اللى غلطان.....جوزها اللى خلاها تشتغل؟.....و لا هيا ؟ و لا المجتمع؟....الخ
بس خلينى اقولك ايه السر
السر.......فى كلميتن بس....هما ......((عدم الرضا))
معانا حجات كتيره جدا بس مش راضيين بيها...............فكر معايا كده.
تنبيه بسيط......و خلينى اقولك......ان الرضا مش معناه الاستسلام......بعض الناس نسألو
انتا ليه مش بتشتغل و مش بتدور على شغل ؟ انا راضى بقضاء الله
انتا ليه مش بتذاكر علشان تنجح ؟ انا راضى بقضاء الله .
انتا ليه مش عاوز تدخل كلية كذا دى مستقبلها كويس جدا ؟ انا راضى بقاء الله
و كل دا استسلام ...مش رضا.......الفرق بين الاستسلام و الرضا دقيق جدا عامل بالظبط زى الفرق بين التوكل و التواكل.........بس عموما خلينى اقولك
ان الرضا هو ( قبول الحال و التطلع للأفضل)
شوف النبى _ صلى الله عليه وسلم- و هوا مطرود من مكه....(انك احب بلاد الله الي ولولا ان اهلك اخرجوني منك ماخرجت) ....رضا غير عادى.....و بعدين ؟ حصل ايه؟ رجع اليها النب صلى الله عليه وسلم......فاتحا .
شوف النبى عليه الصلاة و السلام.......راضى و هو يربط حجر على بطنه من شدة الجوع..........ثم يكون له غنما بين جبلين............شوف النبى راضى بعد غزوة أحد بعد ما دخلت حلقتا المغفر فى وجنتيه....بعد ما كسرت ثنيته .....بعد ما ذبح عمه......بعد ما قتل اصحابه......يقول (( صفوا ورائى لاثنى على ربى)).....قمة الرضا.......ثم تأتى بعدها غزوة حمراء الأسد و مجموعه من السرايا
باختصار شديد........ارضى بحاضرك.....و تطلع لمستقبل افضل.........بذلك تكون راضيا.
بس خلينى اقولك.....النظريه بتقول ايه؟
النظريه بتاعت انهارده بتقول
***نرى ما لا نريد.....بنشوف الحجات اللى مش عاوزينها
و نريد ما لا نرى......و نعوز الحجات اللى مش معانا و اللى مش ف ادينا
فنقد قيمة ما نرى.......نلاقى ان كل النعم اللى معانا مع اهميتها مش بتساوى حاجه فى نظرنا
و نضيع فى سراب ما لا نرى.......فنلاقى نفسنا بنفكر فى الحجات اللى مش معانا .
فكن حذرا ان تفقد قيمة ما ترى......اوعى تفقد قيمة النعم اللى معاك اللى ربنا مديهالك
****يبقى النظريه بتقول (( نرى ما لا نريد...و نريد ما لا نرى....فنقد قيمة ما نرى....و نضيع فى سرااب ما لا نرى......فكن حذرا ان تفقد قيمة ما ترى))
**لاحظ انك بتقول معاي (( اللهم انى راض عنك فارض عنى......اللهم انى راض عنك فارض عنى))
الرضاااااااااااااااااااااااااا ........اللهم ارزقنا الرضا...............اللهم امين
لو عايز تعيش حياتك بجد....ارضى
ارضى علشان بنا يرضى عنك......ارضى علشان حياتك تبقى اجمل.....ارضى علشان تحس انك عايش........ارضى علشان نفسك.
بس الخبر الكويس اللى معانا ف المقال ده.......انو مش مجرد مقال عادى
ااحنا مع بعض هنرضى مع بعض......طيب ازاى؟
هتجاوب على كام سؤال
أولا : من امخطىء فى القصه الأولى؟
ثانيا : من المخطىء فى القصه الثانيه؟
ثالثا : و انت تقرأ المقال....هل فعلا....قلت (( اللهم انى راض عنك فارض عنى)) و كيف كان شعورك؟
رابعا : اختصر كل المقال فى كلمة واحده ان استطعت.
خامسا : ماذا قررت بعد قرائتك للمقال ؟
سعيد جدا جدا.......باى حد قرى المقال بتاعى و جاوب على الاسئله دى اللى فعلا هتساعدنا كلنا اننا نرضى فعلا.
و فى هذا القدر الكفايه لمن سبقت له من الله الهدايه.......فستذكرون ما اقول لكم و افوض امرى الى الله.......................و السلام عليكم و رحمة الله و بركاته.

سؤال فى غاية الأهمية و الروعه ..... و وقد اضفت الاجابه للموضوع
نرجو التفضل بقراءة الموضوع مرة اخرى
*جزاكم الله خيرا و بارك الله فيكم

اجابه السؤال الاول ::

دائما اقول ان لا توجد مشكله من طرف واحد القصه الاولى الزوج والزوجه مشتركين فى المشكله الزوجه غلطانه فى تقصيرها والزوج غلطان فى تسرعه وعدم النظر الى ماجعله يتزوج من مدام خديجه
اكيد كان فيها حاجات جعلته يتزوجها والا كيد انها موجودة
ولكن الاكثر تاكيد انها عليها شويه تراب وكانت ممكن تتحل بمحاوله تنبيه الزوجه عن تقصيرها دة راى من التفاصيل بالقصه

اجابه السؤال الثانى ::

مش مذكور فيها تفاصيل كثيرة ببدايه القصه يبدو انها تريد ان تثبت ذاتها
يعنى المشكله ولا فى الزوج وربما ولا فى الزوجه
هنحملها المسؤليه ليه اذا كانت هى اصلا مفهومها غلط
هى شيفه ان تحقيق ذتها فى شركه وشهادة تترفع على الجدران متعرفش ان اكبر واعظم هدف بناء بيت سعيد على رضا الله
فى الحاله دى لا نقدر ان نقول مشكله رضا بل هى مشكله مفاهيم


اجابه السؤال الثالث ::

كما ذكرت انها مش المرة الاولى اسمع الموضوع بس خلينى اقول شعورى اول مرة سمعت الموضوع فعلا حسيت ان لازم ننظر للموضوع من ابعد مما نرى كم كان يقول الدكتور ابراهيم رحمه الله
حقيقه المشكله ليست هى ماانت واقف عليه بمعنى اخر النظر خارج الخريطه
ولكن لا انكر انه تردد بداخلى سؤال ذكرته فى الرد الاول

اجابه السؤال الرابعه وحسه انى رغيت كتير ::

ربما اكون معلقه مخالفه للقوانين واذكر اكثر من كلمه
انظر خارج الخريطه بمعنى اخر ( اعلم خطه الله الرائعه لك_ وسع افكارك )
قررت ان انظر خارج الصندوق وهو قرار ليس وليد الحظه