النظريه بتقول ايه؟.....انتا تقدر

أقسم بالله العظيم انى هقرا الموضوع دا لاخر ......خلى بالك انتا حلفت......((هههه تدبيسه))
بس على فكره انتا مش مضطر انك تقراه لاخرو.......بس خلينى أسألك كام سؤال لو سمحت
هل تصرفت تصرفا ثم ندمت عليه؟
هل اختلفت مع أحد فصدعت الموضوع ؟
هل أخطأ أحد فى حقك فأخطأت فى حقه .....فتصاعد الموضوع؟
هل تستطيع ان تسامح احدا أخطأ فى حقك؟
بصراحه شديده.....دا اول موضوع اكتبو بقلبى فعلا.... اتمنى انو يوصل لقلب اللى يقراه
اول موضوع اكتبو بكل مشاعرى .....و اتمنى انك تقراه بقلب مفتوح .......اتفقنا؟ ممتاز.....يلا بينا ندخل على الموضوع
***الساعة11 بالليل....يدخل الباش مهندس/ على ....الى بيته....بس و الباش مهندس على مدير عام فرع من فروع شركة من اكبر شركات السيارات فى العالم....دخل بيتو الساعه 11 مساء
كانت مدام منى فى استقبالو بالطبع.....و اول ما دخل....لقاها نايمه لعى الكنبه و جمبها بوكيه ورد جميل جدا و مكتوب عليه كلام حب جميل جدا ((مش هقولكم عليه ))....و اول ما صحاها بكل هدوء صحيت و قالتلو انتا جيت يا حبيبى؟؟ قالها اه....فقالتلو...تعرف انا جيابه الورد ده لمين؟؟
الباش مهنس على ((عمل نفسو عبيط)) و قالها لا معرفش.....قالتلو ليك طبعا يا حبيبى
قالها علشان ايه يا حبيبتى؟....قالتلو علشان اديك بيه على دماغك يا زفت الطين يا هباب
اتأخرت ليه لحد دلوقتى.....اكيد كنت مع مراتك التانيه.....انا حاسه من فترة انك متغير معايا
و بقيت ترجع متأخر ديما......و الله انتا راجل متتعشرش...انتا اسوأ راجل فى الكون..........الخ
و الباش مهندس على مش عارف يرد.....فقالها انا هسيبك لما تهدى و بعدين ارجعلك
سلام يا منى ......قالتلو اهدى ايه...انتا شايفنى مجنونه......قالها انا راجع الشغل و هجيلك بعد شويه
قالتلو اه...طبعا لازم تروح عند الهانم بتاعتك......الح
و خرج الباش مهندس على من البيت ....و منى سابتلو البيت و راحت بيت اهلها....و قابلت بباها
و قالها و الله يا منى يا بنتى جوزك دا حتة سكره انا قعدت معاه فى الشكره لحد الساعه حداشر الا ربع......و الله موتنى من الضحك........منى سابت بباها و راحت اوضتها و قالت لنفسها قد ايه انا كنت غلطانه ....قد ايه مينفعش اللى انا عملتو فى جوزى.......الخ
و فتحت تليفونها و اتصلت بجوزها على ....و قالتلو ساممحنى يا حبيبى انا اسف مقصدش انا كنت بخير عليك بس مش اكتر.......راح الباش مهندس على بكل هدوء.....منى انتى طالق...انتى طالق ...انتى طالق
السؤال بقى (( مين اللى غلطان؟؟؟))
*** الحاج جمال.....اب عصبى جدااااا.....و بيحب كل حاجه تكون مرتبه ف بيتو.....و ف يوم من الايام
دخل ابنو ابراهيم البالغ من السن 13سنه......دخل عليه و هوا قاعد بيقرى كتاب ((التسامح...سر قوة الكون)).....و كان بيشرب كوباية قهوه...و دخل عليه ابراهيم...و راح يحضنو بسرعه علشان يبشرو و يفرحو
انو طلع الاول على المدرسه ......ابراهيم راح يخضنو بسرعه ....فاتكبت كوباية القهوه...و انكسرت
الحاج جمال اتجنن.....قالو انتا يا ((........)) كسرت الفنجان......انتا عارف تمنو كام.......الخ
و مسكو و رماه على حتة خشب فيها مسامير كانت مصديه......و راح ابراهيم المستشفى
و بعد ساعات و ساعات....خرج الدكتور و قال للحاج جمال....احنا اطرينا اننا نقطع رجل ابراهيم اليمين
لانو كانت فيها غرغرينه ....و ملحقناش نصبر لاننا لو صبرنا كان المرض هينتشر
دخل الحاج جمال على ابنو ابراهيم....و اول ما ابراهيم شاف ابوه.....قالو ((بابا انا هحوش و هرجعلك تمن الفنجان اللى اتكسر بسببى....بس ممكن انتا ترجعلى رجلى لو سمحت؟ !!!!! ))
السؤال بردو.....مين اللى غلطان؟؟؟
هوا انا عاوز اقول ايه؟؟؟.........اللى عايز اقولو بكل بساطه
ان حياتنا مليانه خلافات ((غير ضروريه))....خلافات مع الاسره...و الاقارب و الجيران و المجتمع و الناس...الخ
و الخلافات الغير ضروريه دى بتأثر على تفكيرنا ...فنلاقى نفسنا....متحاوطين بأفكار تافهه و ((غير ضروريه))
و الافكار دى تنتشر و تكتر و توسع.....فنلاقى ان حياتنا كلها بلا معنى((غير ضروريه))
***بصراحه شديده.....اللى خلى مدام منى تحصل على لقب ((مطلقه _مع مرتبة الشرف الاولى))
هوا الخلاف الغير ضرورى........اللى خلى الحاج جمال يحصل على لقب (( الاب الغبى_مع مرتبة الشرف الاولى)) هيا الافكار الغير ضروريه
المعنى المشترك بين مدام منى و الحاج جمال....ان الاتنين حياتهم بقيت تافهه و ((غير ضروريه))
**مش بقول اننا منختلفش......بس كل اللى بقولو....اننا نسامح بعض
((نساااااااامح بعض))
كلمه بقولها من قلبى ....و اتمنى ان كل اللى بيقراها....توصل لقلبو
((نسامح بعض))
بيحضرنى الان الحديث المشهور........((يدخل عليكم الان رجل من اهل الجنه.......))
اللى اخر كلمه فيه بتقول (( أبيت لا احمل فى قلبى غلا لأحد))
يااااااااه ...... هل نقدر اننا نحط راسنا على المخده و احنا مسامحين بعض؟
تقدر؟ تقدرى؟
*هل تعلم ؟......أقوال سريعه عن التسامح
من عاشر الناس بالمسامحة ، دام استمتاعه بهم
لذة التسامح أطيب من لذة التشفي ، فالأولى يلحقها حمد العاقبة والثانية يلحقها الندم
لكي تعرف الجميع عليك أن تسامح الجميع
مش مقتنع بالكلام ده؟
قال _تعالى_ (( وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ )) و يبقى السؤال مفتوحا
ألا تحبون ان يغفر الله لكم؟؟؟
سامح علشان تاخد ثواب......سامح علشان تبقى من المؤمنين اللى من صفتهم((و العافين عن الناس))
سامح علشان تبقى افضل....سامح علشان تعيش حياة فعلا اجمل
((لما عفوت ولم أحقد على أحدِ .. أرحت نفسي من هم العداوات))
*** و فى النهايه عاوز اقول تلات حجات بسرعه جدا
* أولا : النظرية بتقول (( حياتنا ملية بخلافات غير ضروريه...مما يسبب لنا افكارا غير ضروريه...مما يؤدى الى ان نعيش حياة بلا معنى...أى...((حياة غير ضروريه))
* ثانيا : انا عن نفسى مسامح كل البشرررررررررر .....و بتمنى انهم يسامحونى .....علشان انا من ضمن اهدافى فى الحياه..انى لما اموت ((و شكل الموضوع قرب)) و اسيب الدنيا.....اسيبها كل الناس بتحبنى و كل الناس مسمحانى.....و الله كل اللى هممنى انى مش عاوز الهدف دا يضيع منى (رجاء)
يقول لال نهرو (( النفوس الكبيره وحدها تعرف كيف تسامح))
* ثالثا : اسف جدا على التطويل الفظيع ده....بجد معرفش انا طولت ازاى
ارجو المعذره .......
و فى هذا القدر الكفايه لمن سبقت له من الله الهداية........فستذكرون ما اقول لكم و أفوض أمرى الى الله))


محبكم بلا ريب ....الداعى لكم بظهر الغيب
fares_al_sonaa20
غفر الله له ((امين))